Irs

Üzeyir Hacıbəyovun Şuşadakı ev muzeyi

Üzeyir Hacəbəyovun Şuşadakı ev muzeyi. Foto Qarabağ irsimizin əbədi yaddaşı albomundan götürülüb
Üzeyir Hacəbəyovun Şuşadakı ev muzeyi. Foto Qarabağ irsimizin əbədi yaddaşı albomundan götürülüb

Üzeyir Hacıbəyovun  Şuşada ev-muzeyi 1959-cu ildə Azərbaycan Milli Elmlər Akademiyasının, Azərbaycan Tarixi Muzeyinin,  Mədəniyyət Nazirliyinin və  Musiqi Fondunun  dəstəyi ilə fəaliyyətə başlayıb. Muzeyə  Mirkamal  Ağamirov, Qumru Hacıyeva rəhbərlik ediblər. 1980-ci ildən indiyədək isə muzeyə Nəsibə Eyvazova rəhbərlik edir. Mustəqil qurum kimi fəaliyyət göstərən muzeyin sahəsi dörd otaqdan ibarət olub.

Xurşidbanu Natəvanın ev muzeyi

Xurşudbanu Natəvanın evi XIX əsr. Foto Qarabağ irsimizin əbədi yaddaşı albomu
Xurşudbanu Natəvanın evi XIX əsr. Foto: Qarabağ irsimizin əbədi yaddaşı albomu

Şuşada Azərbaycan SSR Elmlər Akademiyası Nizami Gəncəvi adına Azərbaycan Ədəbiyyatı Muzeyinin Xurşidbanu  Natəvan adına Qarabağ filialının açılması ideya olaraq 1980-cı ildə irəli sürülsədə, mənzildə əsaslı təmir-bərpa işlərinə yalnız 1987-ci ildən başlamaq mümkün  olmuşdur.

Bülbülün ev muzeyinin Şuşa filialı

Bülbülün ev muzeyinin Şuşa filialı

1992-ci ilə qədər Bülbülün Şuşada yerləşən ev muzeyi onun Bakı şəhərindəki memorial muzeyinin filialı idi. Kiçik həyəti,  iki otaqlı və eyvandan ibarət idi. Bülbül bu evdə anadan olmuş və uşaqlıq illərini burada keçirmiş, burada ilk dəfə musiqi aləminə qədəm qoymuş, məşhur xanəndə və musiqiçilərə qulaq asmışdır. Burada Bülbülün uşaqlıq illərindən bəhs edən şəkillər saxlanılırdı. Muzeydə onun şəxsi əşyalarından bəziləri, o cümlədən onun qavalı da nümayiş etdirilirdi. Divarda Bülbülün 1925-1926-cı illərdəki konsert afişaları asılmışdı. Müğənninin ailəsi ilə və tək çəkdirdiyi şəkillər, 1914-cü ildə Gəncədə ona verilmiş pasport birinci otaqda sərgilənirdi.  Bülbül 1921-ci ildə konservatoriyaya daxil olur. O,vokal uzrə təhsil alan ilk azərbaycanlı tələbə idi. Muzeydə tələbə Bülbülün kitabçası qoyulmuşdur.

Sarı Aşıq Xatirə Muzeyi

sariq-asigin-abidesi

Həm şifahi xalq ədəbiyyatı, həm də yazılı ədəbiyyatda mahir bayatı ustası kimi tanınan Sarı Aşığın həyat yolu hələ saglığında ikən əfsanə və rəvayətlərə çevrilmiş, onun adı və sənəti əsrlərin sınağından keçərək bu günümüzə qədər gəlib çatmışdır. Arxeoloqlar 1927-ci ildə Sarı Aşığın məzarının yerləşdiyi Güləbird qəbristanlığında və türbədə araşdırmalar aparmış, belə qənaətə gəlmişlər ki, türbə XVII əsrə aiddir.

Füzuli rayon Tarix-Diyarşünaslıq Muzeyi

a3
Qarabağ muzeyləri

Füzuli  rayon Tarix-Diyarşünaslıq Muzeyi 1982-ci ildən fəaliyyət göstərir. Muzeyin fondunda və ekspozisiyasında toplanmış eksponatların altı mindən çoxu işğal ərəfəsində ərazidən çıxarılmış və hazırda Bakı şəhərində fəaliyyət göstərən “İstiqlal” muzeyində mühafızə edilir.

Zəngilan rayon Tarix-Diyarşünaslıq Muzeyi

Qarabağ muzeyləri

Zəngilan rayon Tarix-Diyarşünaslıq Muzeyi rəsmən 1980-ci ildə fəaliyyətə başlayıb. Muzey rayonun mərkəzində, “Oktyabr” küçəsində yerləşirdi. Həmin illərdə  muzey eksponatlarından ibarət buklet də hazırlanıb.