multİmedİa

Qarabağ harayı fotolarda

Portret_Ilqar_Ceferov

Fotoqraf: İlqar Cəfərov.

1960-cı ildə Azərbaycan Respublikasının ikinci böyük şəhəri olan Gəncədə anadan olub. 1983-cü ildə Azərbaycan Kənd Təssərüfatı İnsitutunu, 1991-ci ildə isə Moskvada, SSRİ jurnalistlər İttifaqının Fotomərkəzi nəzdində fotojurnalistika fakültəsini bitirib. 1991-ci ildən dövlət informasiya agentliyi AzərTAc-ın fotomüxbiridir.
Bir sıra beynəlxalq fotomüsabiqələrin iştirkakçısı və qalibi ( Rusiya -2007, Avstriya- 2008, Yaponiya -2009) olub.
Fotoşəkillərindən ibarət kitablar və kataloqlar nəşr edilib. Xaricdə və Azərbaycanda fərdi fotosərgiləri keçirilib.

“Danışan” simalar

1905.az saytı və Azərbaycan Fotoqraflar Birliyi “Danışan” simalar virtual qalereyasını təqdim edir! 1992-1996-cı illəri əhatə edən fotolarda Ermənistanın Azərbaycana silahlı təcavüzü nəticəsində öz doğma yurd-yuvalarından qovulmuş məcburi köçkün və qaçqınların simaları əks olunub. Bu virtual albomda Mirnaib Həsənoğlu, İlqar Cəfərov, Vüqar İbadov, Elnur Babayev, Oleq Litvin, Xalid Əsgərov, və Şahvələd Ayvazovun fotoları yer alıb.

 

Foto Selcan Qurbanova
Foto: Selcan Qurbanova

Köçkün düşərgəsində bir gün (FOTOQALEREYA)

Fotoqraf: Elnur Babayev

fotoqraf Elnur Babayev

Elnur Babayev 1962-ci ildə Bakıda anadan olub. 1981-ci ildə Əzim Əzimzadə adına Bakı Rəssamlıq Məktəbini bitirib. 1988-ci ildən etibarən xarici jurnallar üçün fotolar çəkib. Azərbaycan Rəssamlar İttifaqının və Azərbaycan Fotoqraflar Birliyinin üzvüdür. 1995-ci ildə UNİCEF-in, o cümlədən World Press Photo və Mother Jones foto müsabiqələrinin qalibi olub. ABŞ-da, Fransada, Böyük Britaniyada, Almaniyada, Avstriyada, Tunisdə, Finlandiyada, Rusiyada keçirilən fərdi və qrup sərgilərində fotoları nümayiş olunub. Elnur Babayevin çəkdiyi fotoların bir qismi dövlət muzeylərində, şəxsi kolleksiyalarda o cümlədən Vyanadakı “Niederosterreich Landers Museum”da, Parisdəki Fransanın Mədəniyyət Nazirliyinin qalereyasında, Moskvadakı Muasir İncəsənət Muzeyində saxlanılır.

“Köçkün düşərgəsində bir gün” albomundakı fotolar 1996-cı ildə, İmişli və Saatlı rayonlarındakı məcburi köçkünlərin məskunlaşdıqları çadır düşərgələrində çəkilib. Burada erməni silahlı birləşmələri tərəfindən işğal olunmuş Cəbrayıl rayonundan olan  məcburi köçkünlər  yaşayırdı. Qeyd edək ki, 2003-2008-ci illərdə həyata keçirilən dövlət proqramı çərçivəsində bütün çadır düşərgələri ləğv edilib.