Foto

Xəbərdarlıq! Bu bölmədəki bəzi şəkillər uşaqlar üçün məqsədəuyğun deyil!

Həyata keçməyən arzular

FOTOQRAF: ED KAŞİ
expert-kashiNyu-Yorkda yaşayan Ed Kaşi dünyanın məşhur fotojurnalistlərindən biridir. , “National Geographic”, “Newsweek”, “Time” və “The New York Times” kimi mətbuat orqanlarında işləyib. “VII Photo” təşkilatının həmtəsisçisi olan Ed Kaşi münaqişə və aclıq bölgələrində çəkdiyi fotolarla məşhurdur. 2013-cü ildə Azərbaycanda olan fotojurnalist “Həyata keçməyən arzular” layihəsi çərçivəsində Dağlıq Qarabağ münaqişəsi nəticəsində öz yurd-yuvalarını  tərk etmək məcburiyyətində qalan  və 20 ildir köçkün həyatı  yaşayan insanların gündəlik həyatından bəhs edən sənədli fotoşəkillərini nümayiş etdirib.

Qarakənd səması. 20 noyabr 1991-ci il

kask_war_80
Fotoqraf: Xalid Əsgərov

1991-ci il 20 noyabrda Xocavənd rayonunun Qarakənd kəndinin yaxınlığında, Ağdam rayonunun Mərzili kəndi ərazisində erməni həbiləşdirilmiş dəstələri tərəfindən vurulan Azərbaycan hərbi helikopter hadisəsi. Hesablamalara görə, Qarakənd üzərində üç yüz metr yüksəklikdə uçan Mİ-8 N72 helikopteri 1991-ci il noyabrın 20-də saat 14:42 dəqiqədə vuruldu. Faciə haqqında ilkin məlumat Prezident Aparatına saat 19:55-də çatır. Lakin nə qədər maraqlı olsa da bu faciə haqqında xəbər Xankəndindən erməni dilində yayımlanan “Vətən və vətəndaş” verlişinin xəbərlər bölümündə, saat 15:30-də yayımlanmışdı. Həmin gün İrəvan radiosu saat 16:15-da Tehran radiosu, 17:00-da Moskva radiosu açıqladı.

Məktəb zəngi (FOTOQALEREYA)

Erməni silahlı birləşmələri tərəfindən dağıdılmış Laçın orta məktəb binası.1992-ci il. Foto: İlqar Cəfərov

 

1905.az saytı yeni dərs ilinin başlanması ərəfəsində Məktəb zəngi” virtual foto qalereyasını təqdim edir! Qalereyadakı fotolar ümumilikdə 2 dövrü əhatə edir.
1) Müharibə dövrü.
2) Müharibədən sonrakı dövr.

Elnur Babayev – Vaqonlardakı həyat (Fotoqalereya)

fotoqraf Elnur Babayev

Elnur Babayev 1962-ci ildə Bakıda anadan olub. 1981-ci ildə Əzim Əzimzadə adına Bakı Rəssamlıq Məktəbini bitirib. 1988-ci ildən etibarən xarici jurnallar üçün fotolar çəkib. Azərbaycan Rəssamlar İttifaqının və Azərbaycan Fotoqraflar Birliyinin üzvüdür. 1995-ci ildə UNİCEF-in, o cümlədən World Press Photo və Mother Jones foto müsabiqələrinin qalibi olub. ABŞ-da, Fransada, Böyük Britaniyada, Almaniyada, Avstriyada, Tunisdə, Finlandiyada, Rusiyada keçirilən fərdi və qrup sərgilərində fotoları nümayiş olunub. Elnur Babayevin çəkdiyi fotoların bir qismi dövlət muzeylərində, şəxsi kolleksiyalarda o cümlədən Vyanadakı “Niederosterreich Landers Museum”da, Parisdəki Fransanın Mədəniyyət Nazirliyinin qalereyasında, Moskvadakı Muasir İncəsənət Muzeyində saxlanılır.