HƏVƏNGDƏSTƏ

hƏVƏNGDƏSTƏ

Foto

Xəbərdarlıq! Bu bölmədəki bəzi şəkillər uşaqlar üçün məqsədəuyğun deyil!

Füzuli rayonunun Qarğabazar və Qoçəhmədli kəndlərindən görüntülər

İşğaldan azad edilmiş ərazilərimizi gəzdikcə hər yerdə eyni mənzərənin şahidi oluruq – yandırılmış, dağıdılmış, viran qalmış yurd yerləri. Ermənilər 27 ildən artıq dövrdə işğal altındakı şəhər və kəndlərimizdə yaşayış evlərini, sosial obyektləri, infrastrukturu, sənaye və kənd təsərrüfatı müəssisələrini, bir sözlə hər şeyi məhv ediblər. Xalqımıza məxsus tarix və mədəniyyət abidələri, qəbiristanlıqlar da erməni vandalizminə məruz qalıb. Bu isə onu deməyə əsas verir ki, ermənilər dədə-baba torpaqlarımızdan həm tarixi keçmişimizi, həm də mənəvi yaddaşımızı silmək istəyiblər.

Şəhidlər xiyabanı, 8 noyabr 2020-ci il

Azərbaycan Prezidenti, Müzəffər Ali Baş Komandan İlham Əliyev Şuşa şəhərinin işğaldan azad olunduğunu elan etdikdən sonra paytaxtımızın minlərlə sakini ölkəmizin suverenliyi və ərazi bütövlüyü uğrunda mübarizədə canlarını fəda etmiş, erməni işğalçıları ilə döyüşlərdə şəhid olmuş qəhrəman Vətən övladlarının xatirəsini yad etmək üçün Şəhidlər xiyabanına üz tutub.

Fətəli Fətəliyev – Əsirlikdə qalan mədəni irsimiz

Fotoqraf  Fətəli Fətəliyev  1945-ci ildə Şuşa şəhərində anadan olub. Fotoqrafiyaya 1957-ci ildə 5-ci sinifdə oxuyarkən foto dərnəyində başlayıb. Fotojurnalistika fəaliyyətinə 1978 ildən qədəm qoymuş, respublikada dərc olunan “Elm və həyat”, “Azərbaycan təbiəti”, “Azərbaycan qadını”, “Mədəni maarif”, ”Ulduz”, “Советский музей”  jurnallarında, “Xarici ölkələrlə əlaqələr” cəmiyyətinin “Sovet Azərbaycanı” bülletenində, “Azərbaycan gəncləri”, “Ədəbiyyat və İncəsənət” qəzetlərində, “Caspian”, “Azerbaijan International”, “Trend”, “Capital”, “Популяр”, “Ваш дом” jurnallarında, BMT-nin İnsan İnkişafı haqqında kitablarında və sairə nəşrlərdə fotomüxbir kimi fəaliyyət göstərmişdir.