1905.az rəsm qalereyası

Ana fəryadı. Rəssam: Eldar Babazadə

Ana fəryadı. Eldar.Babazadə
Ana fəryadı. Rəssam: Eldar Babazadə

Eldar Babazadə rəssamlar ailəsində dünyaya göz açıb. O, rəssamlıq məktəbində və Azərbaycan Dövlət Pedaqoji Universitetinin bədii qrafika fakültəsində təhsil alıb. 1997-ci ildən Azərbaycan Rəssamlar İttifaqının üzvüdür. Sənətkarın işləri o dərəcədə maraqlı və qeyri-adidir ki, ilk tanışlıqda öz güclü enerjisi ilə insanı valeh edir. O, yaratdığı obrazların faktura və energetikasını ustalıqla təcəssüm etdirir. Rəssam daim həm ölkəmizdə, həm də onun hüdudlarından kənarda keçirilən sərgilərdə iştirak edir. Onun tabloları Türkiyə, İran, Almaniya, İsveç, Gürcüstan və Qırğızıstanda nümayiş etdirilir.

 

Qızılbaşlar. Rəssam: Sakit Məmmədov

 

Sakit Məmmədov (Azərbaycan Respublikasının Əməkdar Rəssamı, UNESCO Rəssamlar İttifaqının üzvü, akademik ) 1958-ci ildə Neftçala şəhərində anadan olmuşdur.
1978-ci ildə Əzim Əzimzadə adına Azərbaycan Dövlət Rəssamlıq Məktəbini fərqlənmə ilə bitirmişdir. 1978-1980 ci illərdə hərbi xidmətdə olmuşdur. 1981-ci ildə İlya Repin adına Leninqrad Rəssamlıq Akademiyasının rəngkarlıq fakultəsinə daxil olmuş, 1987-ci ildə oranı adəti olaraq fərqlənmə ilə bitirmişdir.

Keçmişimizdən bu günümüzə

IMG-20150410-WA0001
Keçmişimizdən bu günümüzə. Rəssam: Aygün İlyasova

“Keçmişimizdən bu günümüzə” əsərində  Azərbaycan xanlıqları dövründə olan bayraqlar və Qarabağ xalçasından ibarət olan bir kompozsiya qurulub.  Əsərdə həmçinin dövlət gerbimizdən və üç rəngli bayrağımızdan müəyyən hissələr verilmişdir. “Keçmişimizdən bu günümüzə” əsəri 2014- cü ildə Azərbaycan Respublikası Nazirlər kabinetinin yanında Dövlət Bayrağı Meydanı kompleksi idarəsinin birgə təşkil etdiyi “Bayrağımız qürur mənbəyimizdir!” sərgisində nümayiş olunub.

Qoca qarabağlı. Rəssam Asif Azərelli

Asif_Azərelli.Qoca_qarabağlı
Asif Azərelli- Qoca qarabağlı

Rəssam Asif Azərelli 1946-cı ildə Azərbaycanın Bərdə rayonunun Uğurbəyli kəndində anadan olmuşdur. 1970-ci ildə Əzim Əzimzadə adına Azərbaycan Dövlət Rəssamlıq Məktəbini, 1980-cı ildə Tbilisidə Rəssamlıq Akademiyasını bitirmişdir. 1980-cı ildə SSRİ Rəssamlar İttifaqına qəbul olunmuşdur. 1983–1984-cü illərdə YUNESKO tərəfindən təşkil olunmuş beynəlxalq sərginin iştirakçısı olmuşdur. Hazırda Azərbaycan Rəssamlıq Akademiyasında dosent kimi çalışır.Onun işləri Fransa, Almaniya, İran, Ukrayna, Rusiya, Türkiyə və Özbəkistanda keçirilmiş sәrgilәrdә nümayiş etdirilmişdir

Bəhruz Kəngərli. “Qaçqın oğlan”

Bəhruz Kəngərli. "Qaçqın oğlan"
Bəhruz Kəngərli. “Qaçqın oğlan”

Bəhruz Kəngərli 1918–1920-ci illərdə erməni daşnaklarının Azərbaycanda törətdikləri faciələri təsvir edən, öz dədə-baba torpaqlarından zorla qovulmuş və Naxçıvana pənah gətirmiş azərbaycanlı qaçqınların portretlərindən ibarət silsilə əsərlər yaratmışdır. Bu silsilədən olan “Qaçqınlar”, “Qaçqın qız”, “Qaçqın oğlan”, “Qaçqın qadın”, “Yurdsuz ailə”, “Qaçqın Gümşün”, “Ayaqyalın qaçqın oğlan” və s. onlarla qaçqının portretləri təkcə sənətkarlıq səviyyəsinə görə deyil, tarixi sənəd kimi də dəyərlidir. Rəssam təsvir etdiyi qaçqın uşaqların hər birinin simasında didərgin düşdükləri ata-baba ocaqlarının həsrətini, keçirdikləri hiss və həyəcanları, gözlərinə qonmuş qüssə və kədəri özünəməxsus ustalıqla əks etdirmişdir.

Mənbə: X.Əsədova. “Bəhruz Kəngərli”. Bakı, “Şərq-Qərb” Nəşriyyat Evi, 2013,