Atəşkəs davam edir…

Cəbhə xəttində gərginlik davam edir

Ermənistan silahlı bölmələri martın 31-də və aprelin 1-nə keçən gecə İcevan rayonunun Paravakar kəndində yerləşən mövqelərindən Azərbaycan ordusunun Ağstafa rayonunun Köhnəqışlaq kəndində yerləşən mövqelərini atəşə tutublar.

İşğalçı Ermənistan Ordusu Azərbaycanın mövqelərini intensiv atəşə tutub

  Erməni silahlı bölmələri dünən və bu gecə Ermənistan Respublikasının İcevan rayonunun Paravakar kəndində yerləşən mövqelərdən Ağstafa rayonunun Köhnəqışlaq kəndində, Berd rayonunun Mosesqex və Ayqepar kəndlərində yerləşən mövqelərdən Tovuz rayonunun ərazisindəki adsız yüksəkliklərdə və Əlibəyli kəndində yerləşən mövqelərimizi atəşə tutub.

Şəhidimiz dəfn olundu

Ötən gün şəhid olan Azərbaycan Ordusunun kiçik çavuşu Kərəm Nöhbalayev bu gün doğulduğu Xaçmaz rayonun Sayad kəndində torpağa tapşırılıb.

Shehid_Azerbaycan_esgeri

“Qafqazinfo” xəbər verir ki, Xocalı faciəsinin 22-ci ildönümündə döyüş tapşırığını yerinə yetirərkən şəhid olan Azərbaycan ordusunun kiçik çavuşu Nöhbalayev Kərəm Şahin oğlunun cənazəsi bu gün doğulduğu Xaçmaz rayonunun Sayad kəndinə gətirilib. Şəhidin Azərbaycan bayrağına bükülən cənazəsi xidmət etdiyi hərbi hissənin əsgər və zabitlərinin müşayəti ilə torpağa tapşırılıb. Dəfn mərasiminə rayon rəhbərliyi və ictimaiyyəti, eləcə də kənd sakinləri qatılıb.

Ermənilər cəbhə xəttinin müxtəlif istiqamətlərində atəşkəsi pozublar

ateshkes_2014_03_2626 mart 2014 – cü il.

Müdafiə Nazirliyinin mətbuat xidmətindən Trend-ə verilən məlumata görə, erməni silahlı bölmələri dünən və bu gecə Ermənistan Respublikasının İcevan rayonunun Paravakar və Berkaber kəndlərində yerləşən mövqelərdən Ağstafa rayonunun Köhnəqışlaq və Qazax rayonunun Qızılhacılı kəndlərində, Berd rayonunun Mosesqex və Ayqepar kəndlərində yerləşən mövqelərdən Tovuz rayonunun ərazisindəki adsız yüksəkliklərdə və Əlibəyli kəndində yerləşən mövqelərimizi atəşə tutublar.