Չնայած Ադրբեջանի Հանրապետությանը պարտադրված պատերազմի ծանր հետևանքներին, հանրապետության քսան տոկոսից ավել տարածքների օկուպացմանը, մեկ միլիոնից ավել ադրբեջանցիների՝ հարազատ հողերից վտարվելուն ու փախստականների վիճակում գտնվելուն, մենք միշտ կողմնակից ենք եղել՝ հայ-ադրբեջանական հակամարտության խաղաղ ճանապարհով, քաղաքական ճանապարհով կարգավորմանը:
Մեր կարծիքով, սահմանների անձեռնմխելիությունը, պետությունների տարածքային ամբողջականության վերաբերյալ ՄԱԿ-ի կանոնադրության պահանջներն ու ԵՀԱԿ-ի սկզբունքները, պատերազմի զոհերի վերաբերյալ միջազգայի կոնվենցիաները՝ հուսալի հիմքեր են հակամարտությանը վերջ դնելու և նրա ծանր հետևանքները վերացնելու համար:
Ադրբեջանի Հանրապետությունը հիմք ընդունելով այս սկզբունքային դիրքորոշումը, ինչպես նաև հաշվի առնելով՝ Ռուսաստանի Դաշնության նախագահ Բորիս Ելցինի, ԱՊՀ-ի Միջխորհրդարանական Ասամբլեայի, ԵԱՀԿ-ի ներկայիս նախագահի, Միջազգային Կարմիր Խաչի Կոմիտեի նախագահի և մյուս միջազգային հեղինակավոր կազմակերպությունների հայտարարությունները, հայ-արբեջանական զորքերի շփման գծում հրադարի մասին պայմանագրի ստորագրման տարելիցին՝ միակողմանի կարգով ազատում է բոլոր ռազմագերիներին, այլ հիմունքներով ձերբակալված Հայաստանի Հանրապետության քաղաքացիներին և մնացած հայազգի անձանց:
Մենք նույնպես հիասթափություն ենք հայտնում, որ միջազգային Կարմիր խաչի Կոմիտեն մինչև հիմա Ադրբեջանի կողմից ներկայացված ցուցակների հիման վրա չի բացահայտել՝ Հայաստանի տարածքներում և Ադրբեջանի օկուպացված հատվածում գտնվող հազարավոր ադրբեջանցի պատանդներին ու ռազմագերիներին:
Մենք հուսով ենք, որ հայկական կողմը անհրաժեշտ պայմաններ կստեղծի՝ այս գործի իրականացման և Ադրբեջանի բոլոր ձերբակալված քաղաքացիներին ազատելու համար:
Ադրբեջանի Հարապետությունը մեկ անգամ ևս հաստատում է՝ հայ-ադրբեջանական հակամարտության խաղաղ ճանապարհով կարգավորման կողմնակից լինելը և հույս է հայտնում, որ նրա կատարած հումանիստական քայլը կօգնի մոտ ժամանակներում խաղաղության հասնելուն:
