«Մոտավոր հաշվարկներով, Ադրբեջանում ավելի քան 3 հազար մարդ դարձել է ականների և չպայթված զինամթերքի (ՉՊԶ) զոհ»։
Ինչպես հայտնում է Armenia.Az-ը, այդ մասին ասել է՝ «Ականների դեմ ադրբեջանական կամպանիա» հասարակական միավորման նախագահ Հաֆիզ Սաֆիխանովը։
Նրա խոսքով, դժվար է հայտնել՝ Ադրբեջանում ականների և ՉՊԶ-ի զոհերի կոնկրետ թիվը. «Մոտավոր հաշվարկներով, 3 հազար մարդուց 500-ը զոհվել է, 2500-ը կենդանի է»։
Հ. Սաֆիխանովը նշել է, որ այսօրվա դրությամբ միավորումը հոգեբանական և իրավաբանական օգնությւն է ցուցաբերել 8 մարզերից զոհերին. «Ականների զոհերի համար տնտեսական պայմանների ստեղծման նախագծերը ընդգրկում են՝ Թովուզի, Թերթերի և Ֆիզուլիի շրջանները։ Որովհետև այդ շրջաններում են ամենից շատ ականներ և ՉՊԶ։ Թովուզի, Թերթերի և Ֆիզուլիի շրջաններից երեք տուժածներին, որոնք գտնվում են ծանր վիճակում, ֆինանսական օգնություն է ցուցաբերվել»։
Հ. Սաֆիխանովը մանրամսն պատմել է՝ հակահետևակային ականների արգելման քարոզարշավի՝ Կասետային զինամթերքի դեմ կոալիցիայի՝ կասետային զինքի մասին վերջին զեկույցի մասին։ Նա նշել է, որ Կասետային զինամթերքի մասին կոնվենցիան ստորագրել են 119 երկրներ. «102 երկրներում ավարտվել է վավերացման գործընթացը։ 76 պետությունները, ներառյալ Հարավային Կովկասի երկրների՝ առայժմ չեն միացել համաձայնագրին։ Հաշվետու ժամանակաշրջանում, երկու պետությունների տարածքներում գրանցվել է կասետային զենքի օգտագործման փաստեր՝ Սիրիայում կառավարության զորքերի և Սաուդյան Արաբիայի ղեկավարությամբ Յեմենում կոալիցիայի զորքերի կողմից»։
