Ադրբեջանի նախագահ Իլհամ Ալիևը շնորհակալություն է հայտնել ՌԴ նախագահ Վլադիմիր Պուտինին ԼՂ հակամարտության կարգավորման գործին անձնական ակտիվ մասնակցության համար:
«Կուզենայի հատուկ ընդգծել Ռուսաստանի դերը հայ-ադրբեջանական, Ղարաբաղյան հակամարտության կարգավորման գործում», – ասել է Իլհամ Ալիևը Վլադիմիր Պուտինի հետ հանդիպման ժամանակ, տեղեկացնում է Armenia.Az-ը:
Նա հիշեցրել է, որ հունիսին Սանկտ Պետերբուրգում կայացած հանդիպումը նվիրված էր այս պրոբլեմատիկային: «Ես շնորհակալ եմ Ձեզ այս գործընթացին Ձեր անձնական ակտիվ մասնակցության համար», – ասել է Ադրբեջանի նախագահը:
Նա ընդգծել է, որ Ռուսաստանի և Ադրբեջանի նախագահների հաճախակի հանդիպումները նոր ազդակ են հաղորդում երկկողմ հարաբերությունների զարգացմանը, որոնք արդեն վաղուց անցել են ռազմավարական գործընկերության մակարդակի և ընդգրկում են գրեթե բոլոր ոլորտները:
«Մենք ակտիվորեն փոխգործակցում ենք միջազգային հարթակներում, ամրապնդվում են քաղաքական երկխոսությունը և տնտեսական կապերը», – ասել է Իլհամ Ալիևը:
ARMENIA.AZ
