Չորեքշաբթի տեղի է ունեցել Վրաստանի նախագահ Սալոմե Զուրաբիշվիլիի դիմավորման պաշտոնական արարողությունը, ոգ պաշտոնական այցով գտնվում է Ադրբեջանում, տեղեկացնում է Аrmenia.Az-ը:
Դիմավորման պաշտոնական արարողությունից հետո տեղի է ունեցել Ադրբեջանի նախագահ Իլհամ Ալիևի և Վրաստանի նախագահ Սալոմե Զուրաբիշվիլիի դեմառդեմ հանդիպումը:
Ադրբեջանի նախագահ Իլհամ Ալիևը նշել է Բաքվի և Թբիլիսիի միջև հաջող բազմակողմանի համագործակցությունը:
«Մենք հաջողությամբ համագործակցում ենք բոլոր ոլորտներում, և այս համագործակցությունն օրեցօր խորանում է: Հոյակապ արդյունքներ են արձանագրվել քաղաքական, տնտեսական, մշակութային, տրանսպորտի, էներգետիկ ոլորտներում», – հայտարարել է Իլհամ Ալիևը չորեքշաբթի Վրաստանի նախագահ Սալոմե Զուրաբիշվիլիի հետ հանդիպման ժամանակ, – տեղեկացնում է Аrmenia.Az-ը՝ վկայակոչելով «Ինտերֆաքս Ադրբեջանին»:
Ադրբեջանի նախագահի խոսքով, դժվար է գտնել մի ոլորտ, որում Բաքուն և Թբիլիսին չհամագործակցեն:
Իլհամ Ալիևը վստահություն է հայտնել, որ Սալոմե Զուրաբիշվիլիի Ադրբեջան այցը կնպաստի երկկողմ բարեկամական կապերի զարգացմանը:
«Վստահ եմ, որ անցկացվելիք երկխոսությունները մեկ անգամ ևս կհաստատեն, որ Վրաստանն ու Ադրբեջանը շատ մերձավոր երկրներ են», – ընդգծել է Ադրբեջանի նախագահը:
Վրաստանի նախագահ Սալոմե Զուրաբիշվիլին, իր հերթին հայտարարել է, որ ադրբեջանա-վրացական հարաբերությունները խորանալու են նոր նախագծերի իրականացման հաշվին:
ARMENIA.AZ
