Քրիստոնյաներ. Ինձ հասած տեղեկությունների համաձայն, չարակամ մարդիկ աշխատում են ոչ միայն անիմաստ ու կեղծ տեղեկություններ տարածել, այլև ուզում են ահ ու սարսափ տարածել երջանիկ Ռուսաստանում վերաբնակեցվելու համար թույլտվություն խնդրողների սրտում և դրանով խոչընդոտել նրանց ցանկությունների իրականացմանը:
Այդ ամենը կանխելու և հայ ժողովրդի իմ հանդեպ տածած վստահության համար, գլխավոր հրամանատարության ինձ վրա դրած ծառայողական պարտականության համաձայն՝ հայտնում եմ ձեզ, որ նորին մեծություն Ամենայն ռուսաց կայսրը՝ վերաբնակվելու ցանկություն ունեցողներին հուսալի, հանգիստ ու երջանիկ ապաստան է տրամադրում իր պետության սահմաններում: Ձեր ընտրած վայրերում՝ Իրավանում, Նախչըվանում, Ղարաբաղում դուք կստանաք մի մասը պետության օգտին վար ու ցանք կատարվող բերքատու հողեր: Դուք վեց տարի ժամկետով ազատվում եք բոլոր հարկերից և ձեր շարքերում եղող աղքատներին օգնություն է տրամադրվելու: Այստեղ մնացող քաղացիական անձինք կարող են իրենց ընտանիքներին ուղարկել և Թուրքմենչայի պայմանագրի համաձայն՝ իրենց գույքը վաճառելու համար կարող են հինգ տարի ժամկետով լիազոր ունենալ: Նրանց մնացած գույքը ես ցուցակով կհանձնեմ նորին գերազանցություն Աբաս Միրզային առընթեր դիվանագիտական ներկայացուցչին, կամ կոմիսարին: Ռուսաստանում դուք տեսնելու եք բոլոր կրոնների ազատությունը և ռուսների հետ կայսրի մյուս հպատակների իրավահավասարությունը և մոռանալու եք ձեր կրած բոլոր դժվարությունները: Այնտեղ դուք գտնելու եք քրիստոնյաներով բնակեցված նոր հայրենիք, որտեղ չեն լինելու սուրբ կրոնի հանդեպ ճնշումներ: Այնտեղ ապրելու եք օրենքների հովանու ներքո և զգալու եք դրանց օգտակար ազդեցությունը: Վերջապես, այնտեղ բարեկեցիկ կյանք եք վայելելու: Դուք լքելու եք ձեր հարազատ հայրենիքը, սակայն քրիստոնեական հողի մասին գաղափարը ուրախություն է պարգևելու ձեզ:
Իրանի գավառներում ցրված քրիստոնյաները տեսնելու են իրենց միասնությունը և ռուսական մեծ կայսրի կողմից ձեր հավատարմության փոխհատուցումը: Շտապեք: Ժամանակը թանկ է: Շուտով ռուսական զորքերը լքելու են Իրանի սահմանները և այն ժամանակ դժվարանալու է ձեր արտագաղթը և մենք չենք կարողանալու ապահովել ձեր անվտանգ մեկնելը: Փոքր կորուստներով հասնելու եք ամեն ինչի:
Ռուսական կայսերական բանակի գնդապետ Լազարև.
30-ը մարտի 1828 թ. քաղաք Ուրմիա
Ս. Ն. Գլինկա. «Հայերի վերաբնակեցնելը Ադրբեջանում» գրքից:
«Ազերբայջան» հրատարակություն, Բաքու 1995 թ.
