Գուբադլիի շրջան- Ադրբեջանի Հանրապետության վարչական շրջան: Ստեղծվել է 1993 թվականին: Գտնվում է Փոքր Կովկասի հարավ-արևմուտքում: Արևմուտքից սահմանակից է Հայաստանի Հանրապետության հետ: Տարածությունը 800 քառ կմ է, բնակչությունը՝ 35,7 հազ. մարդ (01.01.2006:) Կենտրոնը Գուբադլի քաղաքն է:
Շրջանի կազմում են՝ Գուբադլի քաղաքը, Ալիգուլուուշաղի, Մահմուդլու, Սարըյաթագ, Խանլըգ, Գայալի, Լեփեհեյրանլի, Աբդալանլի, Դոնդերլի, Դիլելի Մուսքենլի, Սարայ, Միրլեր, Դեմիրչիլեր, Փոլադլի, Ֆերչան, Գյոյյար, Հերթիս, Զոր, Աշաղի Խոջամուսագլի, Յուխարի Խոջամուսագլի, Մեհրիլի, Հալ, Գազյան, Մեմեր, Մոլլալի, Բալլըգայա, Ջերելի, Բոյուեգեր, Սալդաշ, Գարալար, Քավդադիգ, Հուսեյնուշաղի, Ուլասլի, Ալթընջա, Էբելջե, Թաթար, Գարագոյունլու, Զիյասլի, Զիլանլի, Քուրդ Մահրիզլի, Սելալի, Մահրիզլի, Ալագուրշագ, Մուղանլի, Հեմզելի, Չայթումաս, Էֆենդիլեր, Յուսիֆբեյլի, Խոջահան, Թինլի, Գըլըջան, Յուխարի Մոլլու, Աշաղի Մոլլու, Մոլլաբուրհան, Խոջիք, Մերդանլի, Բալասոլթանլի, Փադար, Գարամանլի, Գարաջալլի, Գրաղաջ, Գարաքիշիշլեր, Բաշարաթ, Միլանլի, Հաթ, Դեշդահաթ, Արմուդլու, Չարդագլի, Թարովլու, Խալաջ, Ային, Գյոարչին, Բախտիյարլի, Աբբաս, Ջիլֆիր, Սեյթաշ, Նովլու, Գուրջուլու, Դովուդլու, Գադիրլի, Մազրա, Էյվազլի, Թեյմուր Մուսկանլի, Բալահասանլի, Խըդըրլի, Աշաղի Ջիբիքլի, Յուխարի Ջիբիքլի, Խալիլոբա, Մուրադխանլի, Հաքարի, Իշիգլի, Խանդակ, Մելիքահմեդլի, Գունդանլի, Մահմուդլու գյուղերը:
Մակերեսը հիմնականում կազմում են լեռները: Գարադաղի լեռնալանջի հարավ-արևելյան վերջնահատվածը կազմող Յազի հարթավայրը (Բաձարչայ և Հաքարի գետերի միջև ընկած տարածք) այստեղ մինչև 450 մ իջնում է: Այդ տարածքում Ղարաբաղի լեռները անցնում են հարթ ու ալիքաձև Ինջեյի հարթավայրին: Տարածված են Յուրա-Անտրոպոգեն նստվածքները: Կան ագաթի և շինարարական նյութերի հանքավայրեր: Կլիման հիմնականում չափավոր տաք չոր արևադրաձային է: Միջին ջերմաստիճանը հունվարին -4°C-ից l°C, հուլիսին 14- 26°C է: Տարեկան տեղումները 400-6000 մմ է: Գետերն են Բազարչայը, Հաքքարին և նրանց վտակները: Հիմնականում տարածված են գորշ լեռնա-անտառային հողերը: Հիմնական բուսական ծածկույթը թփային ու նոսր անտառածածկ մարգագերիններ են: Կենդանիներից տարածված է արջը, աղվեսը, գորշ նապաստակը, փշավոր ոզնին, տարբեր տեսակի ավազամկները և այլն: Թռչուններից՝ գորշ կաքավ, փասիան, աղավնի և այլն: Շրջանի տարածքում է գտնվում է Գուբադլիի արգելավայրը:
Գուբադլին գյուղատնտեսական շրջան է: Տնտեսության հիմնական ուղղություններն են ծխախոտագործությունը, հացահատիկային տնտեսությունը, խաղողագործությունը, շերամապահությունը և անասնապահությունը: Շրջանում կա յուղի ու պանրի, ասֆալտի, բետոնի, սարքաշինական, հացի գործարաններ, թռչնաբուծական ֆաբրիկա, քարի հանք, մարմարի արտադրամաս և այլն:
Շրջանում կա 38 հանրակրթական դպրոց, գրադարան, ակումբ, 4 հիվանդանոց և այլն:
Շրջանի տարածքում կան ճարտարապետական հուշարձաններ, քարանձավ-սրբավայր, (4-րդ դար), բերդեր (5-րդ դար), դամբարաններ (14-17-րդ դարեր), մզկիթ (19-րդ դար) կամուրջ (1867 թ.) և այլն:
1993 թ. օգոստոսի 31-ին օկուպացվել է հայկական զինված զորամիավորումների կողմից:
Ադրբեջանի Ազգային Հանրագիտարան. 25-րդ հատոր, «Ազերբայջան» հատորը, Բաքու, 2007, էջ 865:
