Վրաստանի նախագահ Սալոմե Զուրաբիշվիլին իր ադրբեջանցի գործընկեր Իլհամ Ալիևին հրավիրել է Բաթումիում մասնակցել՝ Թբիլիսիի և Բրյուսելի համագործակցության 10-ամյակին նվիրված Վրաստան-ԵՄ խորհրդաժողովին։
«Ես պարոն նախագահին (Իլհամ Ալիևին) հրավիրել եմ Բաթումիի խորհրդաժողովին։ Այդ խորհրդաժողովը նվիրված է Եվրոպական Միության հետ մեր գործընկերության 10-ամյակին»,-չորեքշաբթի Բաքվում, Ի. Ալիևի հետ մամուլի համար համատեղ հայտարարության մեջ ասել է Ս. Զուրաբիշվիլին, տեղեկացնում է Armenia.Az-ը՝ վկայակոչելով «Ինտերֆաքս-Ազերբայջան»-ին»։
Նրա խոսքով, խորհրդաժողովին «քննարկումների հիմնական թեման կլինի տրանսպորտի հարցը»։ «Մենք այստեղ կարող ենք ցուցադրել մեր ընդհանուր տեսակետները»,- նշել է նա։
Նրա խոսքով, Ի. Ալիևի հետ հանդիպմանը Ադրբեջանի ղեկավարը առաջարկել է՝ Չինաստանում անցկացնել տրանսպորտային հնարավորությունների համատեղ շնորհանդեսը։ «Այս ամենը կարևոր է մեր ներուժի և հեռանկարների իրագործման համար։ Վստահ եմ, որ դա ոչ միայն հեռանկար է, դա կարևոր է մեր ապագայի համար»,- նշել է նա։
Վրաստանի նախագահը նշել է նաև, որ Բաքվի և Թբիլիսիի օրակարգում են՝ խոշոր մասշտաբի նախագծերի իրագործումը։ «Համատեղ ջանքերով իրագործել ենք խոշոր մասշտաբի նախագծեր։ Մենք ողջ աշխարհին ցույց ենք տվել, որ այս տարածաշրջանը հանդիսանում է կենտրոնական, այս միջանցքը հանդիսանում է կայուն և տարածաշրջանում խոշոր ներդրումները հնարավոր են։ Այսօր մեր նպատակ է հանդիսանում՝ օրակարգում խոշոր մասշտաբի նախագծեր առաջարկելը»,- նշել է Ս. Զուրաբիշվիլին։
Նա ընդգծել է, որ տրանսպորտային միջանցքները հիմնական են հանդիսանում Ադրբեջանի և Վրաստանի համագործակցության մեջ։ «Եվրոպայի և Ասիայի միացումը հանդիսանում է կարևոր, և մենք գնում ենք այդ ուղով։ Սակայն մենք դեռ չենք զարգացրել բոլոր հնարավորությունները։ Սա ամենակարճ ճանապարն է։ Սակայն մենք դեռ լիովին չենք զարգացրել այդ ճանապարհի բոլոր հնարավորությունները»,- նշել է նա։
Ս. Զուրաբիշվիլին ընդգծել է Կսպից ծովում տրանսպորտային հարցերի լուծման կարևորությունը։ «Կասպից ծովում տրանսպորտային հարցերը պետք է իրագործվեն ամբողջությամբ։ Իր հերթին, մենք Եվրամիության աջակցությամբ աշխատում ենք Սև ծովում հնարավորությունների վրա։ Մենք ուզում ենք մեր հարաբերությունները զարգացնել Ռումինիայի և Բուլղարիայի նավահանգիստների հետ։ Մենք պատրաստ ենք այդ ուղղությամբ ներգրավել Ադրբեջանի հետ համատեղ ներդրումներ, և մենք պետք է մինչև վերջ օգտվենք այդ հնարավորություններից»,- նշել է Ս. Զուրաբիշվիլին։
ARMENIA.AZ
