Ադրբեջանի նախագահ Իլհամ Ալիևը հինգշաբթի կարգադրություն է ստորագրել՝ ֆիզիկական անձանց համար խնդրահարույց վարկերի հարցի լուծման հետ կապված լրացուցիչ միջոցների մասին, տեղեկացնում է Аrmenia.Az-ը:
Կարգադրության համաձայն, պետական բյուջեից միջոցներ կտրամադրվեն՝ վարկային պարտքերի այն մասը մարելու համար, որը աճել է արժեզրկման հետևանքով: Կարգադրությունը տարածվում է մինչև տաս հազար դոլար արտարժույթով վարկերի վրա:
Մասնավորապես, արժեզրկման հետևանքով վարկային պարտքերի ավելացվող մասը կգնահատվի հետևյալ կարգով.
– 2015 թ. փետրվարի 21-ի դրությամբ, արտարժույթով հիմնական վարկային պարտքերի մեկ դոլարի դիմաց՝ 0,25 մանաթ (0.15 դոլար):
– 2015 թ. փետրվարի 22-ից մինչև դեկտեմբերի 21-ը ընկած ժամանակահատվածում կնքված վարկային պայմանագրերով արտարժույթով հիմնական վարկային պարտքերի մեկ դոլարի դիմաց` 0,6 մանաթ (0.35 դոլար);
-2015 թ. փետրվարի 21-ին և դեկտեմբերի 21-ի դրությամբ գոյություն ունեցող վարկային համաձայնագրերի գծով հիմնական վարկային պարտքի գծով՝ նախորդ կետերում նախատեսված կարգով:
Պետական բյուջեից վճարումները, որոնք նախատեսվում են կարգադրության առաջին մասում, պետք է ուղղված լինեն հիմնականում ֆիզիկական անձանց՝ ժամկետանց վարկային պարտքերի գծով հիմնական վարկային պարտքերի մարմանը, այդ թվում, լուծարման գործընթացում գտնվող պարքերի:
Ադրբեջանի ֆինանսական շուկաների նկատմամբ վերահսկողության պալատին հանձնարարվել է՝ 15 օրվա ընթացքում որոշել և պետության ղեկավարի հետ համաձայնեցնելով հաստատել՝ արժեզրկման հետևանքով աճած վարկային պարտքերի մի մասի մարման մեխանիզմը, ինչպես նաև որոշել արտոնությունները, որոնք կիրառվելու են՝ այդ գումարներով հաշվեգրված տոկոսադրույքների, տուգանքների և մանր դրամների համար. 45 օրվա ընթացքում որոշել՝ այդ վարկային պարտքերի գծով վճարվող ընդհանուր գումարը, այն անձանց ցանկը, որոնց վճարումներ կկատարվեն, և այդ վճարումների գումարը յուրաքանչյուր ֆիզիկական անձի համար:
Ֆիզիկական անձանց կատարվող վճարումների չափը չպետք է չգերազանցի յուրաքանչյուր հինգ հազար դոլարի մանաթի համարժեքը:
Ադրբեջանի Կենտրոնական բանկին խորհուրդ է տրվում արտոնյալ վարկեր տրամադրել բանկերին՝ մինչև 682 մլն մանաթ պետական երաշխիքով, մինչև տաս հազար դոլարի, կամ 17 հազար մանաթի արժութային վարկային պարտքերի վերակառուցման նպատակով:
Բանկերի արտարժութային դիրքի վատթարացումը կանխելու նպատակով, բանկերի դիմումների հիման վրա՝ Կենտրոնական բանկին խորհուրդ է տրվում նաև նրանց տրամադրել մինչև 215 մլն դոլարի արժեթղթեր՝ տարեկան 0.5% տոկոսադրույքով:
