Կարմիր խաչի միջազգային կոմիտեի (ԿԽՄԿ) նախագահ Պետեր Մաուրերը հույս է հայտնել, որ ղարաբաղյան հակամարտությունը շուտափույթ քաղաքական կարգավորում կստանա:
Ինչպես տեղեկացնում է Ադրբեջանի ԱԳՆ-ն, նման կարծիք ԿԽՄԿ նախագահը հայտնել է Ժնևում՝ Ադրբեջանի փոխարտգործնախարար Խալաֆ Խալաֆովի հետ հանդիպման ժամանակ, տեղեկացնում է Armenia.Az-ը:
Մաուերը բարձր է գնահատել կոմիտեի և Բաքվի միջև համագործակցության մակարդակը:
ԿԽՄԿ նախագահը նշել է, որ իր ղեկավարած կազմակերպությունը պարբերաբար հետաքրքրվում է ադրբեջանցի պատանդներ Դիլգամ Ասկերովի և Շահբազ Գուլիևի վիճակով և շարունակելու է իր մարդասիրական գործունեությունը:
Խալաֆ Խալաֆովը, իր հերթին, իր զրուցակցին մանրամասն տեղեկացրել է Հայաստանի Զինված ուժերի ապրիլի 2-ին ձեռնարկած սադրանքի մասին: Նա ընդգծել է, որ հայկական կողմի հրետակոծության հետևանքով զոհվել և վիրավորվել են մեծ թվով զինվորականներ և քաղաքացիական անձիք, խաղաղ բնակիչների գույքին մեծ վնաս է հասցվել:
