Հանդիպմանը, կողմերը գոհունակություն են հայտնել` երկու երկրների միջեւ բոլոր բնագավառներում` եղբայրական հարաբերությունների հաջող զարգացման վերաբերյալ, վստահություն են հայտնել, որ կապերը հետագայում եւս կամրապնդվեն:
Hayatsk.info-ն հայտնում է, որ Ադրբեջանի արտաքին գործերի նախարար Էլմար Մամեդյարովը հանդիպել է Թուրքիայի ԱԳ նախարար Մեւլութ Չավուշօղլուի հետ, որը Ադրբեջանի, Վրաստանի եւ Թուրքիայի արտգործնախարարների 6-րդ եռակողմ հանդիպմանը մասնակցելու նպատակով այցելել է Ադրբեջան:
Նախարար Էլմար Մամեդյարովը Չավուշողլուին տեղեկացրել է Հայաստան-Ադրբեջան հակամարտության կարգավորման բանակցային գործընթացի եւ Հայաստանի ոչ կառուցողական քաղաքականության մասին: Նա նշել է, որ հակամարտության կարգավորման հարցում առաջընթացի հասնելու համար Հայաստանի զինված ուժերը պետք է դուրս գան Ադրբեջանի օկուպացված տարածքներից:
Հնադիպման ժամանակ, կողմերը մտքեր են փոխանակել Բաքու-Թբիլիսի-Կարս երկաթգծի, Trans-Anadolu (TANAP) նախագծի, ինչպես նաեւ փոխադարձ հետաքրքրություն ներկայացնող տարածաշրջանային եւ գլոբալ խնդիրների վերաբերյալ:
