Ավարտվել է «2016 թ. ապրիլյան մարտերի ժամանակ վիրավորված զինվորներին և սպաներին բարձր տեխնոլոգիական պրոթեզներով ապահովման» նախագծի իրագործումը։
Ինչպես փոխանցում է Armenia.Az-ը՝ այդ մասին հայտնել են Հեյդար Ալիևի Հիմնադրամում։
Մեր բանակի վիրավորված զինվորների և սպաների խմբի հետ հանդիպման ժամանակ՝ Ադրբեջանի առաջին փոխնախագահ, Հեյդար Ալիևի Հիմնադրամի նախագահ Մեհրիբան Ալիևայի կարգադրությամբ՝ 20 օրվա ընթացքում անցկացվել են նախագծի իրագործման հետ կապված համապատասխան աշխատանքները, զինծառայողները անդամահատված վերջույթների փոխարեն ապահովվել են պրոթեզներով։
Այդ ժամանակակից պրոթեզները հնարավորություն են տալիս ապահովել շարժման նորմալ դինամիկա։ Մարդը պրոթեզը զգում է, որպես անդամահատված վերջույթի շարունակություն, շարժվում է առավել ազատ ու ակտիվ։
Նշենք, որ «2016 թ. ապրիլյան մարտերի ժամանակ վիրավորված զինվորներին և սպաներին բարձր տեխնոլոգիական պրոթեզներով ապահովման» նախագծի հիմնական նպատակը՝ 2016 թ. ապրիլյան մարտերի ժամանակ վիրավորված զինվորներին ու սպաներին ակտիվ կյանքի վերադարձնելն է։
Հեյդար Ալիևի Հիմնադրամի և համապատասխան պետական կառույցների աշխատակիցների մասնակցությամբ ստեղծված աշխատանքային խումբը՝ առաջին փուլում անհատական հանդիպումներ է անցկացրել յուրաքանչյուր զինվորի ու սպայի հետ, որոնք վիրավորվել են 2016 թ. ապրիլյան մարտերի ժամանակ և պրոթեզների կարիք ունեն։
Վերլուծելով ապրիլյան մարտերի ժամանակ վիրավորված յուրաքանչյուր զինվորի և սպայի անհատական սովորությունները, կենսակերպը, ակտիվության աստիճանը՝ ընտրվել է, այդ ոլորտում համաշխարհային լիդերներ հանդիսացող առաջատար ընկերությունների արտադրության բարձր տեխնոլոգիական արտադրանքը։
