15:19

Ապրիլի 28-ին Մոսկվայում, ռուսական կողմի նախաձեռնությամբ կայացել է՝ Ռուսաստանի, Ադրբեջանի և Հայաստանի արտաքին գործերի նախարարներ՝ Սերգեյ Լավրովի, Էլմար Մամեդյարովի և Էդվարդ Նալբանդյանի աշխատանքային հանդիպումը:
Ինչպես հայտնում է Аrmenia.Az-ը հանդիպմանը շարունակվել է՝ ղարաբաղյան հակամարտության կարգավորման բանակցային գործընթացի առաջընթացի հեռանկարների քննարկումը: Ընդգծվել է 2016 թ. ապրիլին և հունիսին Վիեննայի և Սանկտ Պետերբուրգի գագաթնաժողովներում ձեռք բերված համաձայնությունների իրականացման անհրաժեշտությունը: Ադրբեջանի և Հայաստանի արտաքին քաղաքական գերատեսչությունների ղեկավարները շնորհակալություն են հայտնել Ռուսատանի արտաքին գործերի նախարարին՝ ղարաբաղյան հակամարտության խաղաղ կարգավորմանն աջակցության վերաբերյալ ջանքերի համար: Նախարարները պայմանավորվել են շարունակել բոլոր քննարկվող հարցերի շուրջ շփումները:

Ռուսաստանի, Ադրբեջանի և Հայաստանի ԱԳՆ ղեկավարների
եռակողմ բանակցությունների արդյունքներով կայացել է նրանց հանդիպումը՝ ԵԱՀԿ Մինսկի խմբի համանախագահների՝ Ռուսատանի, ԱՄՆ-ի և Ֆրանսիայի դեսպանների, ինչպես նաև ԵԱՀԿ գործող նախագահի ներկայացուցիչների հետ: Հանդիպման շրջանակներում կարծիքների փոխանակություն է կատարվել ղարաբաղյան հակամարտության կարգավորման իրավիճակի շուրջ:

12:57

Մոսկվայում մեկնարկել է Ռուսաստանի, Ադրբեջանի և Հայաստանի ԱԳ նախարարների հանդիպումը:  

Ինչպես տեղեկացնում է Аrmenia.Az-ը, Սերգեյ Լավրովի, Էլմար Մամեդյարովի և Էդվարդ Նալբանդյանի միջև հանդիպումը տեղի է ունենում ՌԴ ԱԳՆ շենքում:

Հանդիպումն անցկացվում է փակ դռների ետևում՝ առանց լրագրողների մասնակցության:

Ավելի վաղ նշվել էր, որ որոշակի փուլում նախարարներին կմիանան ԵԱՀԿ Մինսկի խմբի համանախագահները և կազմակերպության նախագահի հատուկ ներկայացուցիչ Անջեյ Կասպրշիկը:

ARMENIA.AZ