უკრაინელი პოლიტოლოგი იგორ პონომარი კიდევ ერთხელ იმეორებს მის ადრინდელ პროგნოზს იმის შესახებ, რომ 2016 წელი ის წელია, როცა ზოგი კონფლიქტი გამწვავდება მისი დასრულების წინაპერიოდში.
ასეთ დასკვნამდე იგორ პონომარი იმ გლობალურ პროცესებზე დაყრდნობით მივიდა, რაც მსოფლიოში შეინიშნება: დასავლეთმა მიაღწია იმას, რომ ნავთობის ფასები დაცემულიყო, ხოლო რუსეთი დასუსტდება როგორც ეკონომიკურად, ასევე დიპლომატიურად, გეოპოლიტიკურად და სამხედრო თვალსაზრისით.
პონომარის ვარაუდით, ყველა ის ქვეყანა, ვინც რუსეთზე იყო დამოკიდებული, სხვადასხვა მიმართულებით გაიქცევა და რუსეთი ვეღარ შესძლებს, ერთდროულად რამდენიმე ფრონტზე ბრძოლა გააჩაღოს, პლუს, მოუაროს სიტუაციას სირიაში.
პონომარი ყურადღებას ამახვილებს ასევე იმაზე, რომ ცალკეული ქვეყნები, როგორებიც არიან აზერბაიჯანი, მოლდოვა, საქართველო, უკრაინა, ყაზახეთი, ბელორუსი აქტიურად თანამშრომლობენ ნატოსთან, აშშ-სთან და ევროკავშირთან. მისი ვარაუდით, სწორედ ამის გამო, შეუძლებელია, გაყინული კონფლიქტები არ მოგვარდეს და პრობლემა არ გადაიჭრას, რადგან ეს გეგმის ნაწილია.
„აზერბაიჯანი – ყარაბაღს, მოლდოვა – დნესტრისპირეთს, საქართველო – აფხაზეთსა და სამხრეთ ოსეთს, უკრაინა კი – ყირიმსა და დონბასს აუცილებლად დაიბრუნებენ“, – ამბობს პონომარი და ასკვნის, რომ კონფლიქტის მოსაგვარებლად მისი გააქტიურებაა საჭირო, რათა შემდეგ დასავლეთმა უკვე აპრობირებული ტექნოლოგიების გამოყენება შეძლოს.
http://www.fmabkhazia.com
1918 წლის 23 თებერვალს სამხრეთ კავკასიის პირველი მთავრობა -ამიერკავკასიის სეიმი შეიქმნა. მაგრამ სეიმის შემადგენლობაში შესულ აზერბაიჯანელ, სომეხ და ქართველ ფრაქციების შორის შიდა და გარე პოლიტიკის ძირითად საკითხებთან დაკავშირებით სერიოზული აზრთა სხვაობის არსებობა გამოაშკარავდა.
