საქართველომ, აზერბაიჯანმა, რუმინეთმა და უნგრეთმა შავი ზღვის გავლით ელექტროენერგიის გადამცემი წყალქვეშა კაბელის პროექტს ხელი მოაწერეს.

ხელმოწერის ცერემონია რუმინეთში, კოტროჩენის სასახლეში გაიმართა. დოკუმენტი გააფორმეს საქართველოს პრემიერ-მინისტრმა, ირაკლი ღარიბაშვილმა, აზერბაიჯანის რესპუბლიკის პრეზიდენტმა, ილჰამ ალიევმა, რუმინეთის პრემიერ-მინისტრმა ნიკოლაე ჩუკამ და უნგრეთის პრემიერ-მინისტრმა, ვიქტორ ორბანმა.

აზერბაიჯანში ოფიციალური ვიზიტის ფარგლებში, საქართველოს საგარეო საქმეთა მინისტრმა, ილია დარჩიაშვილმა აზერბაიჯანის რესპუბლიკის პრეზიდენტ ილჰამ ალიევთან შეხვედრა გამართა. ინფორმაციას ამის შესახებ საქართველოს საგარეო საქმეთა სამინისტრო ავრცელებს.

„ჩვენ დავამტკიცეთ მთელ მსოფლიოს, თუ როგორ უნდა აწარმოოთ ომი 21-ე საუკუნეში, ღირსეულად უნდა აწარმოო ომი, ომი აწარმოო თანამედროვე გზებით. სულ რაღაც 44 დღეში სომხეთის ჯარი მთლიანად განადგურდა. ეს არის ჩვენი ხალხის სიდიადე, ჩვენი ხალხის ნდობა გამარჯვებაში, ხალხისა და მთავრობის ერთიანობა და აზერბაიჯანელების ერთიანობა მთელ მსოფლიოში“.