«Əks-səda» Beynəlxalq Jurnalist Tədqiqatları Mərkəzi İctimai Birliyi  iyunun 9-da  Samux rayonunun Qarayeri qəsəbəsindəki 1 saylı orta məktəbdə  “Biznesə  ilk addım”  mövzusunda dəyirmi masa keçirib. Dəyirmi masada Qarayeri qəsəbəsinin  nümayəndəsi Pərvanə Kazımova, «Əks-səda» Beynəlxalq Jurnalist Tədqiqatları Mərkəzi İctimai Birliyinin sədri Sevinc Kərimova, İqtisadi İnkişaf  Nazirliyinin Gəncə-Qazax  regional Mərkəzinin rəhbəri Arzu Hacıyev,  Azərbaycan  Sahibkar Qadınlar  Konfederasiyasının sədri  Afina  Babayeva,   Gəncə AqraBiznes  Assosiasiyasının nümayəndəsi  Nurlana Cavadova  çıxış ediblər.

30-dən yuxari sinif şagirdinə ölkədə sahibkarlıq fəaliyyəti üçün yaradılmış şəraitdən və imkanlardan söz açılıb. Sevinc Kərimova rəhbərlik etdiyi layihə haqqında danışaraq bildirib ki, layihə  ölkədə kiçik və orta biznesin inkişafı yolunda bir təşəbbüsdür.  İndiyədək  3 rayonda analoji tədbir keçirilib.  120-dək gənc tədbirlərdə iştirak edib, onlarla  mövzu ətrafında müakirələr aparılıb.

Diskusiya şəklində keçən dəyirmi masa,  ənənəvi olaraq,  çay süfrəsi ilə sona çatıb.

Dəyirmi masa Azərbaycan Respublikası Prezidenti yanında Qeyri –Hökumət  Təşkilatlarına Dövlət Dəstəyi Şurasının maliyyə dəstəyi ilə  “Kiçik və orta sahibkarlığın təbliğı; gənclər  arasında özünə məşğuluğun stimullaşdırılması” layihəsi cərçivəsində  təşkil edilib.  Eyni mövzuda  dəyirmi masalar indiyədək Masallı, Göy-göl və Göyçay rayonlarında da keçirilib.