Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) Seçki Qərargahı Prezident seçkiləri ilə əlaqədar  növbəti  seminarları Quba, Qusar, Xaçmaz, Şabran rayonlarının seçki fəalları üçün  keçirib.

 

AVCİYA Seçki Qərargahının rəhbəri t.ü.f.d., dosent Məhərrəm Zülfüqarlı tədbir iştirakçılarına Seçki Qərargahının Fəaliyyət Proqramı və seçki öncəsi ictimai-siyasi vəziyyət barədə məlumat verib. Daha sonra o, Prezident seçkilərinin monitorinqini həyata keçirəcək müşahidəçilərə təlimlər keçib. Tədbirlərin keçirilməsində məqsəd regionlarda əhalinin seçki fəallığının artırılması və müşahidəçilərin maarifləndirilməsidir.

Tədbirlərdə həmçinin AVCİYA Seçki Qərargahının üzvü Elvin Bədəlli, AVCİYA Zaqatala Regional ofisinin rəhbəri Eynulla Xeyrullayev və rayon koordinatorları iştirak ediblər.

AVCİYA Seçki Qərargahı növbəti seminarları Gəncə, Göygöl, Daşkəsən, Tovuz rayonlarının  seçki fəalları üçün keçirəcək.

 

AVCİYA Seçki Qərargahının  Mətbuat Xidməti