Qazaxıstanın Atırau Neft və Qaz Universitetinin təşkil etdiyi onlayn beynelxalq konfransın iştirakçıları sırasında BDU-nun professoru Cingiz İsmayılov da olmuşdur. “Yaşıl iqtisadiyyat və Xəzərin ekologiyası” mövzusunda kecirilən beynəlxalq konfransda məruzə ilə çıxış edən professor müxbirimizə bildirmişdir:
– Konfransın plenar iclasında geniş məruzə ilə cıxış etdim. Mənim “Dünya iqtisadi böhranı şəraitində yaşıl iqtisadiyyatın inkişafı” mövzusunda çıxışımın maraqla qarşılanması təkcə son dövrlərdə apardığım tədqiqatlarımın nəticəsi ilə deyil, həm də Azərbaycanda bu sahədə aparılan işlərin uğuru ilə əlaqələndirilməlidir. Mən də cıxışımın süjetini məhz son illərdə Azərbaycanda bu sahədə aparılan işlərin vüsətinə həsr etmişdim. Bir az ətraflı danışası olsam, ilkin olaraq qeyd etməliyəm ki, daha çox diqqət ayırdığım məsələ Avropa Yenidənqurma və İnkişaf Bankının prezidenti Suma Çakrabartinin təşəbbüsü ilə Azərbaycan Respublikasının Prezidenti İlham Əliyev arasında keçirilən videokonfransda qoyulan məsələlərdən bəhrəlinirdi. Vidiekonfransda Avropa Yenidənqurma və İnkişaf Bankının geniş tərkibli heyəti ilə olan görüş diqqət cəkən idi. Bəllidir ki, indiki pandemiya dövrunun çətinlikləri və bu sahədə aparılan uğurlu tədbirlərlə yanaşı ölkəmizin Avropa Yenidənqurma və İnkişaf Bankı ilə əlaqələri və perespektivləri də ətraflı müzakirə edildi. Suma Çakrabartinin cənab prezidentə müraciətlə söylədiyi “Sizin ölkə dünyada ilin ilk rübündə iqtisadi artıma nail olmuş azsaylı ölkələrdəndir, bəlkə də yeganə ölkəsiniz” kimi fikirləri ölkəmizin iqtisadi uğurlarına verilən dəyərdir. Maraqlıdır ki, bankın rəhbəri Azərbaycanda yaşıl iqtisadiyyata yönəlmiş layihələrin dəstəkləməsində də maraqlı olduqlarını bildirmiş və “biz Sizinlə 150 milyon dollarlıq yaşıl zərfi müzakirə etmişik və bu mövzunu yenidən gündəmə gətirmək istərdik” təklifi ilə çıxış etmişdir.
Gəncədə tullantıların idarə edilməsi layihəsinə artıq yaşıl işıq yandırıldığını bildirən prezident İlham Əliyev bu sahədə aparılan işləri təqdir etmiş və “Gəncə – Yaşıl Şəhər”, fikrimcə, Azərbaycanın digər böyük şəhərləri üçün yaxşı nümunə ola bilər” deyimi ilə aparılan işlərin uğurunu təsdiq etmişdir.
Təbii ki, bu kimi önəmli faktların da yer aldığı məruzəmin iştirakçısı olduğum beynəlxalq tədbirin iştirakçıları tərəfindən də maraqla qarşılanması gözlənilən idi. Mən çıxışımda bu məsələlərə toxunmaqla yanaşı birgə “Yaşıl Xəzəryanı layihəsi”nin tərtib edilməsi ideyasını da təklif etdim, xüsusui olaraq da qeyd etdim ki, bu layihəyə gənclərin cəlb edilməsi önəmli olmalıdır. Təklif beynəlxalq konfransın moderatoru – Atırau Neft və Qaz Universitetinin rektoru professor Gülzadə Şakulikova və digər iştirakçılar tərəfindən də dəstəkləndi. Konfransin gedişini onlayn izləyən “Xəzryanı Universitetlər Assosiayasiyası”nın üzvu olan Həştərxan, Dağıstan, Qazaxstanın və digər universitetlərin alimləri də layihənin birgə icrasında iştirak etmək üçün öz istəklərinin bildirdilər. Digər çıxışçılar da bu məsələ ətrafında düşünməyin lazımlı olduğunu təklif etdilər.
Qeyd edək ki, beynəlxalq konfransın gedişi və ortaya qoyulan problemlərin həlli haqında Qazaxstanın mətbuat orqanlarında da məlumatlar dərc edilmişdir.
“Xalq qəzeti”