Azərbaycan ilə Gürcüstan fiber-optika sahəsində də uğurla əməkdaşlıq edir.

AZƏRTAC xəbər verir ki, bu barədə Azərbaycanın xarici işlər naziri Ceyhun Bayramov Gürcüstanın xarici işlər naziri Maka Boçorişvili ilə görüşdən sonra keçirilən birgə brifinqdə bildirib.

O qeyd edib ki, Xarici İşlər nazirliklərinin ikitərəfli və çoxtərəfli formatda da əlaqələri yüksək səviyyədədir.

“Gürcüstanlı həmkarımla beynəlxalq təşkilatlar çərçivəsində qarşılıqlı faydalı əməkdaşlıq məsələlərini, regional, o cümlədən Azərbaycanla Ermənistan arasında mövcud prosesləri də müzakirə etdik”, – deyə C.Bayramov əlavə edib.