Mayın 8-də Azərbaycanın Braziliyadakı səfirliyində Katolik Universitetində hüquq təkmilləşdirmə kurslarında iştirak edən, bu ölkənin müxtəlif regionlarında prokurorluq sistemində çalışan 14 əməkdaş və universitetin professor-doktoru Leyla Bijos ilə görüş keçirilib.

Səfirlikdən AZƏRTAC-a bildirilib ki, görüşdə Ermənistan-Azərbaycan, Dağlıq Qarabağ münaqişəsinin hüquqi aspektləri, eləcə də Azərbaycan iqtisadi, xarici siyasəti, həyata keçirilən regional və beynəlxalq layihələr haqqında məlumat verilib. Səfir Elxan Poluxov və iştirakçılar Avropa İnsan Hüquqları Məhkəməsinin Ermənistana qarşı qəbul etdiyi qərarı müzakirə ediblər. Səfir E.Poluxov braziliyalı hüquqşünasların çoxsaylı suallarını cavablandırıb.

Sonra ölkəmiz haqqında qısa film nümayiş olunub.

AZƏRTAC