Saat 15.00-a olan məlumata görə, respublika üzrə 1 milyon 336 min 733 seçici səs verib.

Mərkəzi Seçki Komissiyası bələdiyyə seçkiləri ilə bağlı saat 12.00-dək olan seçici fəallığını açıqlayıb.

Şamaxıda yerli özünüidarəetmə orqanı olan bələdiyyələrə seçkilər seçicilərin fəallığı şəraitində davam edir.

85 saylı Şamaxı seçki dairəsinin sədri Hüseyn Rəcəbov AZƏRTAC-ın bölgə müxbirinə deyib ki, son illər yerli problemlərin həllində bələdiyyələrin rolu artdığına görə seçicilər ən yaxşı namizəd seçimində daha çox maraqlıdırlar. Səsvermənin ilk saatlarında seçicilərin fəallığı da bunu bir daha təsdiq edir.

Dairənin sədri qeyd edib ki, dairə üzrə yaradılan 63 məntəqədə seçkilərin normal, demokratik və şəffaf keçirilməsi üçün bütün şərait var. Siyahıya əsasən 41 min 601 nəfər seçici qeydə alınan 680 namizəd arasında istədikləri şəxsə səs verə bilər.

Prosesi 721 nəfər müşahidəçi izləyir ki, onlardan 263 nəfəri ayrı-ayrı siyasi partiyaların üzvləridir.

İndiyədək səsvermənin gedişi ilə bağlı dairəyə heç bir şikayət daxil olmayıb.

 AZƏRTAC

125 saylı Zəngilan-Qubadlı dairə seçki komissiyası üzrə 59 seçki məntəqəsi fəaliyyət göstərir. Bu il biz əlavə 5 seçki məntəqəsi yaratmışıq. Yeni məntəqələr “Qobu park 1”, “Qobu park 2” yaşayış komplekslərində, “Stansiya Sumqayıt” ərazisində, Kürdəxanıda və Sumqayıtdakı 12-ci mikrorayonda salınan yeni şəhərciklərdə təşkil olunub.

Mərkəzi Seçki Komissiyası bələdiyyə seçkiləri ilə bağlı ilkin seçici fəallığını açıqlayıb.