Milli Məclis 31 dekabr-Dünya azərbaycanlılarının həmrəyliyi günü münasibəti ilə müraciət qəbul edib

29.12.2015

Milli Məclisin bu gün keçirilən iclasında 31 dekabr – Dünya azərbaycanlılarının həmrəyliyi günü münasibəti ilə müraciət qəbul olunub.

APA-nın məlumatına görə, müraciəti vitse spiker Bahar Muradova oxuyub.

Müraciətdə bildirilir ki, Azərbaycanın yeni tarixinə xalqımızın milli-mənəvi bütövlük arzusunun təcəssümü kimi daxil olmuş 31 dekabr – Dünya azərbaycanlılarının həmrəyliyi günü bəzən tarixin gedişi, bəzən də taleyin hökmü ilə dünyanın dörd bir yanına səpələnmiş soydaşlarımızın dil, əqidə və əməl birliyinin yaradılmasını ümummilli vəzifə kimi irəli sürür: “Ümumilli lider Heydər Əliyev tərəfindən əsası qoyulan və son 24 ildə möhkəmlənən Azərbaycan diasporunun fonunda xalqımızın bütün gücünü bir yerə toplamaq əzmindən güc alan bu həmrəylik günü bir-birindən ayrı düşən soydaşlarımızın milli mənlik şüuru əsasında sıx birləşməsi prosesinin başlanğıcını qoyub. Müstəqilliyin ilk illərində ağır sınaqlara çəkilən, gərgin və çıxılmaz vəziyyətlərə düşən Azərbaycan bir əsrdə ikinci dəfə qismətinə düşən istiqlaliyyətini ulu öndər Heydər Əliyevin müstəsna xidmətləri sayəsində qoruyub saxlaya bildi.

Ermənilər həftə ərzində 18 ölü və 20-dən artıq yaralı olaraq itki verib

20.12.2015

Müdafiə Nazirliyinin saytında istinadən verilən məlumata görə, ötən gün və gecə ərzində Silahlı Qüvvələrimizin bölmələri müxtəlif istiqamətlərdə düşmənin təxribat törətmək cəhdlərinin qarşısını qətiyyətlə alaraq onun atəş nöqtələri və mövqelərinə müxtəlif çaplı silahlardan dəqiq zərbələr endiriblər. Qarşı tərəfin bir neçə texnikası sıradan çıxarılıb, şəxsi heyəti arasında ən azı 2 nəfər ölən və 4 yaralanan var. Ümumilikdə ermənilər həftə ərzində 18 ölü və 20-dən artıq yaralı olaraq itki verib.

Berndə Azərbaycan və Ermənistan prezidentlərinin görüşü olub

19.12.2015

İsveçrə Konfederasiyasında işgüzar səfərdə olan Azərbaycan Respublikasının Prezidenti İlham Əliyev dekabrın 19-da əvvəlcə İsveçrə Federal hökumətinin üzvü, Xarici İşlər Departamentinin rəhbəri Didye Burkhalterlə görüşüb.

Tanınmış jurnalist Murad Hüseynovun həyat yoldaşı vəfat edib

19.12.2015

ANS telekanalının xəbərlər xidmətinin baş redaktoru Murad Hüseynovun həyat yoldaşı, jurnalist Gülər Məmmədova uzun sürən ağır xəstəlikdən sonra vəfat edib. Həmkarımıza dərin hüznlə başsağlığı verir, doğmalarına və yaxınlarına səbir diləyirik.

Allah rəhmət eləsin!

Müdafiə Nazirliyi: Erməni tərəfi şişirdilmiş və yalan xəbərlər yayır

19.12.2015

“Erməni tərəfi xeyli sayda verdiyi itkilərə haqq qazandırmaq məqsədilə bizim guya itki verməyimiz barədə şişirdilmiş və yalan xəbərlər yayır. Qoşunların təmas xəttində düşmənin aktivliyi Azərbaycan əsgərinin qabaqlayıcı tədbirləri və gücü hesabına qətiyyətlə alınır”.

Erməni silahlı bölmələri son sutka ərzində atəşkəs rejimini ümumilikdə 89 dəfə pozub

19.12.2015

Müdafiə Nazirliyi bildirir ki, erməni silahlı bölmələri cəbhənin müxtəlif istiqamətlərində iriçaplı pulemyotlardan da istifadə etməklə son sutka ərzində atəşkəs rejimini ümumilikdə 89 dəfə pozub.

« 1 … 1,995 1,996 1,997 1,998 1,999 … 2,070 »