İsrail Dövlətinin Baş naziri Benyamin Netanyahu və xanımı Sara Netanyahu dekabrın 13-də Şəhidlər xiyabanını ziyarət ediblər.

AZƏRTAC xəbər verir ki, Baş nazir Benyamin Netanyahu Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini yad edib, “Əbədi məşəl” abidəsinin önünə əklil qoyub.

Bakının mənzərəsini seyr edən İsrailin Baş nazirinə və xanımına Şəhidlər xiyabanının tarixi və şəhərimizdə görülən abadlıq-quruculuq işləri barədə məlumat verilib.

AZƏRTAC

Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov “Əl-Cəzirə” telekanalına müsahibə verib. AZƏRTAC müsahibəni təqdim edir.

Müxbir: Bugünkü müsahibimiz Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənovdur. Biz onunla Azərbaycanda mövcud vəziyyət və beynəlxalq arenada son vaxtlar özünün balanslaşdırılmış siyasəti və inkişaf etməkdə olan iqtisadiyyatı ilə ön plana çıxan bu ölkənin gələcəyi barədə söhbət edəcəyik.

Böyük ənənələrə malik “Kaspi” qəzetinin 135 yaşı tamam olur. Nəşr olunduğu bütün dövrlərdə “Kaspi” nüfuzlu mətbuat orqanı kimi seçilib. Görünüş etibarilə dəyişsə də, qəzet mövzulara münasibətdə yenə də əvvəlki peşəkarlığı qoruyur, ənənələrə sadiqdir. Bu gün Azərbaycan informasiya mühitini “Kaspi” qəzeti olmadan təsəvvür etmək mümkün deyil.  Dəyərli həmkarlarımızı bu əlamətdar tarix münasibətilə ürəkdən təbrik edir, yeni-yeni yaradıcılıq uğurları diləyirik.

1905.az

Dekabrın 9-da www.1905.az portalının “Kvartet” rubrikasında Fuad Hüseynzadənin “Dünya Azərbaycanlılarının palitrası” kitabı müzakirə olundu. Kitabın müəllifi, Azərbaycan Diapor Jurnalistləri Birliyinin rəhbəri Fuad Hüseynzadənin, jurnalist Aida Eyvazlının, portalın direktoru, əməkdar jurnalist Fuad Babayevin və icmalçı Gündüz Nəsibovun iştirak etdiyi müzakirələrə  Ümumrusiya Azərbaycanlıları Konqresinin Krasnoyarsk şöbəsi üzrə sədr müavini Ələkbər Qarayev və Azərbaycan Slavyan Gəncləri Assosiasiyasının Rusiya nümayəndəliyinin sədri, Moskvada yaşayan gənc diaspor üzvü Toğrul Alahverdili “Skype” vasitəsilə qoşuldular.

Rumıniyanın “Amos News” xəbər agentliyi öz saytında Azərbaycan Dövlət İnformasiya Agentliyinin – AZƏRTAC-ın işğal altında olan torpaqlarımızda ermənilərin törətdikləri vəhşilikləri aydın göstərən videosunu və fotolarını yerləşdirib. Həmin video və fotolar Azərbaycanın işğal edilmiş müxtəlif ərazilərində – Dağlıq Qarabağda, Sədərək rayonunun Kərki kəndində, Zəngilan rayonunun Məmmədbəyli kəndində, Laçın və Kəlbəcər rayonlarında, Cəbrayıl rayonunun Xələfli və Qumlaq kəndlərində və s. yerlərdə çəkilib.

Dekabrın 6-da ABŞ Konqresinin “Reybern” binasında qondarma “Dağlıq Qarabağın müstəqillik günü”nü bayram edən ermənilərin illik şousu təşkil edilib. Tədbir Xankəndidəki oyuncaq rejimin oyuncaq ofisi, Amerika Milli Erməni Komitəsi, öz büdcəsini ABŞ-ın erməni icmasının hesabına dolduran Amerika Erməni Assambleyası kimi qarşılıqlı əlaqəli qurumlar şəbəkəsi və Ermənistan Respublikasının əslində özü müstəqil dövlət olmayan bir ölkəni təmsil edən səfirliyi tərəfindən təşkil edilib. Qarabağın azərbaycanlı əhalisinə qarşı etnik təmizləməni və beynəlxalq hüquq normalarının digər ciddi pozulmalarını bayram etmək üçün keçirilən növbəti şouya Yerevandan oyuncaq rejimin “baş naziri” Araik Arutyunyan da gəlmişdi.