Bakı, Azərbaycan,

Vətəndaşların Əmək Hüquqlarının Müdafiəsi Liqasının Sədri.

Cənab Sahib Məmmədov Exit Poll planının təfərrüatlarını açıqlamışdır.

Vətəndaşların Əmək Hüquqlarını Müdafiə Liqası ABŞ-ın “AJF&Associates, Inc.” təşkilatı ilə birgə 26 sentyabr 2016-ci ildə ölkədə ümumxalq səsverməsi (referendum) ilə əlaqədar “Exit-poll” sorğusu keçirəcək. Bu cür əhəmiyyətli təşəbbüsün iştirakçısı olmaq böyük məsuliyyətdir. Vətəndaşların Əmək Hüquqlarını Müdafiə Liqası seçki proseslərinin müşahidəsi, seçki maarifləndirməsi ilə əlaqədar kifayət qədər təcrübəyə malikdir və 2015-ci ilin noyabr ayında Milli Məclisə keçirilən seçkilərdə ABŞ-ın “AJF&Associates, Inc.” təşkilatı ilə birlikdə 118 dairə üzrə 1053 məntəqədə “Exit poll” keçirmişdir. Bu əməkdaşlıq 26 sentyabr 2016-ci il ümumxalq səsverməsi (referendum) ilə bağlı “Exit-poll” sorğusunda da davam edəcək.

Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) 26 sentyabr 2016-cı il tarixdə Konstitusiyaya təklif olunan dəyişiklik və əlavələrlə bağlı Referendumun 3000 müşahidəçi ilə monitorinqini təşkil edəcək. Müşahidəçilərin Referendum günü prosesin monitorinqini yüksək səviyyədə təşkil etmələri üçün AVCİYA Seçki Qərargahı daha 6 rayonda – Gəncə, Göygöl, Daşkəsən, Bərdə, Tərtər və Goranboyda müşahidəçilər üçün treninqlər keçirib.

Ermənistanın təxribatçı məqsədlərlə siyasi və xarici siyasət məsələləri üzrə mərkəzlə birlikdə 2-3 sentyabr tarixlərində Yerevanda Azərbaycanın işğal edilmiş ərazilərində yaradılmış qondarma rejimin “müstəqilliyinin 25 illiyi” bəhanəsi ilə təşkil etməyə çalışdığı tədbir ləğv edilib.

Bu barədə Trend-ə Azərbaycan Xarici İşlər Nazirliyinin Mətbuat xidmətinin rəhbəri Hikmət Hacıyev bildirib.

Beynəlxalq Avrasiya Mətbuat Fondunun dəstəyi ilə Azərbaycana səfər edən Litva Jurnalistlər İttifaqının vitse-prezidenti, “Alkas.lt” internet portalının redaktoru Audris Antanaytis və həmin media orqanının fotoqrafı Arunas Sartanaviçüs Quba Soyqırımı Memorial Kompleksini ziyarət ediblər.

Azərbaycanın birinci xanımı, Heydər Əliyev Fondunun prezidenti Mehriban Əliyeva Bolqarıstanın Veliko Tırnovo şəhərinin fəxri vətəndaşı seçilib.

AZƏRTAC xəbər verir ki, bu barədə Veliko Tırnovo icmasının saytında yerləşdirilmiş məlumatda deyilir.

Şəhər meri Daniel Panovun Azərbaycanın birinci xanımının fəxri vətəndaş seçilməsi haqqında təklifi avqustun 25-də keçirilən təntənəli iclasda yekdilliklə qəbul edilib.

Avqustun 26-da Beynəlxalq Mətbuat Mərkəzində Azərbaycanda Vətəndaş Cəmiyyətinin İinkişafına Yardım Assosiasiyasının (AVCİYA) 26 sentyabr 2016-cı tarixində keçiriləcək referendumla bağlı uzunmüddətli müşahidə ilə əlaqədar mətbuat konfransı oldu.
Mətbuat konfransını giriş sözü ilə açan AVCİYA-nın vitse-prezidenti Elçin Salmanov qeyd etdi ki, AVCİYA yarandığı ildən başlayaraq seçkilərin və referendumun müşahidəsini həyata keçirir. Bu baxımdan 26 sentyabrda keçiriləcək referendum da istisna deyil. E.Salmanov qeyd etdi ki, AVCİYA artıq referendumla bağlı üzunmüddətli müşahidəyə start verib, Avropanın qabaqcıl ölkələrinin qanunvericiliyinin müqayisəli təhlilini aparıb və bu təhlili kitabça kimi nəşr edib. Kitabçada Referendumda Konstitusiyaya nəzərdə tutulan əlavə və dəyişiklərin Fransa, Niderland, Norveçin qanunvericiliyi ilə müqayisəsi verilib.