Azərbaycan Respublikasının müdafiə naziri general-polkovnik Zakir Həsənov Türkiyə Respublikasının milli müdafiə naziri Yaşar Gülerə başsağlığı ünvanlayıb.

Parisdə dekabrın 13-də UNESCO-nun mənzil-qərargahında “Dünyanın leksikoqrafiyada xəritələşdirilməsi: “Divanü lüğat-it-türk”ün 950-ci ildönümü” mövzusunda beynəlxalq konfrans keçiriləcək.

AZƏRTAC xəbər verir ki, Mahmud Kaşğarinin Türk dünyasının ən qiymətli kitablarından biri olan məşhur “Divanü lüğat-it-türk”ün 950 illiyi UNESCO çərçivəsində qeyd olunacaq. Türk dillərinin ilk ensiklopedik lüğəti olan “Divanü lüğat-it-türk” UNESCO-nun 2024-2025-ci illərdə qeyd olunacaq yubileylər siyahısına daxil edilib.

Quş qripi xəstəliyinin qarşısının alınması üzrə dövlət qurumlarının və digər aidiyyəti subyektlərin əlaqəli Fəaliyyət Planına uyğun olaraq, bu il dekabrın 16-dan dekabrın 20-dək növbəti epizootoloji monitorinq keçiriləcək.

Bu barədə AZƏRTAC-a Azərbaycan Qida Təhlükəsizliyi Agentliyinin (AQTA) İnformasiya təminatı və innovativ həllər şöbəsindən məlumat verilib.

Azərbaycan Respublikası Ali Məhkəməsinin və Məhkəmə-Hüquq Şurasının sədri İnam Kərimovun başçılıq etdiyi nümayəndə heyəti Gürcüstan Ali Məhkəməsinin və Ali Ədliyyə Şurasının sədri Nino Kadaqidzenin dəvəti ilə Gürcüstana səfərə gəlib.

AZƏRTAC xəbər verir ki, Azərbaycan nümayəndə heyəti dekabrın 9-da Tbilisi şəhərinin mərkəzindəki Heydər Əliyev Parkında Ulu Öndərin abidəsini ziyarət edib, önünə gül dəstələri düzüb, Ümummilli Liderin xatirəsini dərin ehtiramla anıb.

Bakı COP29-a çox qısa bir zamanda hazırlaşdı. Müqayisə üçün, Avstraliya hələ rəsmi olaraq COP31-in ev sahibi elan olunmasa da, bu tədbir üçün artıq onların diplomatik komandası hazırlıqlara başlayıb. Bakının isə hazırlıq üçün bir ildən az bir zamanı var idi. Bu qədər qısa müddət ərzində belə bir tədbirin təşkili böyük bir uğurdur.

Qətərdə “İnnovasiyanın zəruriliyi” mövzusunda 22-ci Beynəlxalq Doha Forumu bu gün işini yekunlaşdırıb.

AZƏRTAC Qətərin informasiya agentliyinə istinadla xəbər verir ki, dekabrın 7-də başlanan forumun son günündə humanitar fəaliyyət, rəqəmsal idarəetmə və beynəlxalq əməkdaşlıq mövzuları müzakirə edilib. Qlobal sistemin üzləşdiyi çətinliklər, onun böhranlara və qlobal problemlərə reaksiyasını gücləndirmək üçün istifadə edilə biləcək mexanizmlər və vasitələr müzakirə mövzularından olub.