Türkiyədə zəlzələ nəticəsində həlak olanların sayı 24 617 nəfərə çatıb.

AZƏRTAC xəbər verir ki, bu barədə Türkiyənin vitse-prezidenti Fuat Oktay məlumat verib.

Azərbaycan ərazilərində faydalı qazıntı yataqlarının qanunsuz istismarının dayandırılmasını, “Qızılbulaq” və “Dəmirli” yataqlarında monitorinqin keçirilməsinə icazə verilməsini tələb edən azərbaycanlı könüllü gənclər və ekoloqlar tərəfindən Laçın-Xankəndi yolunun Şuşa ərazisindən keçən hissəsində təşkil olunan etiraz aksiyası artıq 63 gündür davam edir.

AZƏRTAC-ın aksiya yerinə ezam olunmuş müxbiri xəbər verir ki, havanın şaxtalı olmasına baxmayaraq, aksiya iştirakçılarında yüksək əhval-ruhiyyə və fəallıq müşahidə olunur. Ekofəallar hər gün olduğu kimi səhər Dövlət Himini səsləndiriblər.

Azərbaycan Prezidenti İlham Əliyevin tapşırığına əsasən Türkiyədə olan Fövqəladə Hallar Nazirliyinin (FHN) çevik xilasetmə qüvvələri qardaş ölkədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarını fasiləsiz davam etdirirlər.

Zəlzələdən irəli gələrək hər məqamın özünün prioritetləri var. Hazırda əsas prioritet insanları xilas etmək, yaralılara kömək göstərməkdir və növbəti mərhələdə bu bölgələrin hamısını yenidən həyata qaytarmaq olacaq. Bununla bağlı olaraq Prezident Rəcəb Tayyib Ərdoğan artıq bir zaman mesajı da verdi ki, bir il ərzində Türkiyə bunun öhdəsindən gələcək.

Kahramanmaraşda birinci zəlzələ 65 saniyə, ikinci zəlzələ 45 saniyə davam edib. 7,7 bal gücündə birinci zəlzələnin meydana çıxardığı enerji 500 atom bombasının yaratdığı təsirə bərabər olub.

AZƏRTAC xəbər verir ki, bunu AFAD-ın nümayəndəsi Orxan Tatar bildirib. Onun sözlərinə görə, bölgədə lava axıntısı, vulkan püskürməsi, neft və ya qaz sızması kimi hallar müşahidə edilməyib. Zəlzələdən sonra 1891 afterşok qeydə alınıb.

Türkiyədə baş vermiş və çoxsaylı insan tələfatına səbəb olmuş zəlzələdən dərhal sonra Prezident İlham Əliyevin tapşırığı ilə Azərbaycan dövləti tərəfindən zəlzələdən zərər çəkmiş qardaş türk xalqına yardım məqsədilə həyata keçirilən və xalqımızın da böyük dəstək verdiyi genişmiqyaslı tədbirlərə könüllü gənclərimiz də qoşulub.