Teleqraf.com-un məlumatına görə, təqdimat mərasimində çıxış edən millət vəkili E.Süleymanov bildirib ki, tarix boyu ermənilər azərbaycanlılara qarşı soyqırımı həyata keçiriblər. Onun sözlərinə görə, 1918-ci ilin mart ayında isə ölkənin bir çox bölgəsində ermənilər yerli azərbaycanlılara qarşı qətliam həyata keçirməyə başlayıb: “Bu bölgələrdən biri də Şamaxıdır. Biz bu gün həmin dövrdə azərbaycanlılara qarşı həyata keçirilimiş soyqırımının dünyada tanıdılmasında əlimizdən gələni etməliyik”.

“Ermənilərin yerli əhaliyə qarşı törətdiyi vəhşiliklər müxtəlif vaxtlarda tarixi sənədlərdə əksini tapıb”. Bu fikirləri Milli Elmlər Akademiyasının müxbir üzvü İlyas Babayev Şamaxıda keçirilən “1905.az” saytının təqdimatında deyib. Onun sözlərinə görə, bu tarixi faktlar bizə əsas verir ki,  ermənilər tərəfindən millətimizin başına gətirilən vəhşilikləri dünyaya bəyan edəcək.