Bakıda 20 dekabr 2014-cü il tarixində Nizami Kino Mərkəzində Azərbaycan Fotoqrafları Birliyinin (AFB) “İlin fotoqrafı – 2014” adlı mükafatlandırma mərasimi keçirildi. 150 ildən artıq tarixi olan Azərbaycan fotoqrafiyası ölkənin tarixi və mədəni inkişafına öz töhfəsini vermişdir. Tarixin müxtəlif dövrlərində Azərbaycanda fotoqrafiya ilə bağlı bir-neçə peşəkar birlik, dərnək və ittifaqlar fəaliyyət göstərib. Bunlardan, 1894-cü ildə Bakı Fotoqraflar dərnəyi, 1923-ci ildə Kino-Foto İşçiləri İttifaqı, 1998-ci ildə Azərbaycan Fotoqrafları Birliyi təsis olunmuşdur. “İlin fotoqrafı” mükafatı 2000-ci ildə AFB tərəfindən təsis edilib. 
Artıq AFB-nin Gəncə, Mingəçevir, Şəki, Lənkəran şəhərlərində və Ağdam rayonunda büroları fəaliyyət göstərməkdədir. 2014-cü il AFB-nin böyük bir lahiyədə iştirakımızla ili başa vururuq.2014-cü ilin may ayının 10 da 15 nəfərlik bir qrupla Heydər Əliyev zirvəsini foto yürüşlə ziyarət etdik.
Avropa Birliyinin “Mədəniyyət Fondunun” maliyyələşdirdiyi “Say Chesse” lahiyəsi Azərbaycanda fotoqrafiya sənətinin inkişafında öz töhvəsini verir. İl ərzində “Photoman-2013” müsabiqəsinin yekunu. “Ölkəm Şərq Əməkdaşlığında” fotomüsabiqəsi, . “Ölkəm Şərq Əməkdaşlığında” foto plenarında 8 fotoqrafımızın“Şərq Əməkdaşlığı” ölkələrində iştirakı.
Azərbaycana gələn “Şərq Əməkdaşlığı” ölkələrindən 8 fotoqraf fotoplenarda iştirak etdilər. “Photo-school.eu” onlayn məktəbinin dərslərininə Rüfət Abbas tərəfindən vebinarlara start verildi.Fotoplenarın nəticələri əsasında foto albomun üzərində artıq işlər gedir.Aylıq fotomüsabiqlərimiz hər ayın yekunları ilə qalibləri sevindirir.Birliyimiz bu il Avrasiya fotoqraflarının birliyinin yaradılmasında Əlzamin Cəfərovun AFB-nin təmsilçisi kimi Spartada iştirak etməsi.Rauf Umudovun Kuşadası Fotoqrafları və Sinema sənəti dərnəyi və Ege Fotoqraf və Sinema Amatörleri Dernəyi ilə AFB arasında tərəfdaşlıq anlaşma protokolu imzalamışdır.
“İlin Fotoqrafı-2014” fotomüsabiqə formatında bu il keçirmək planlarımız baş tutmadı.Müsabiqəyə təqdim olunan fotoların yaradıcılıq tərəfindən aşağı olmasına görə təşkilat komitəsi fotoları münsiflər heyətinə təqdim etmədi. “Toy fotoqrafiyası” mükafatı bu il yeni bir mükafat kimi əlavə etmək istəsəkdə müsabiqənin şərtlərinə müəlliflər tərəfindən riayət olunmadığına görə bu il bu mükafatı da təqdim etmək baş tutmadı.
Təşkilat komitəsinin qərarı ilə 2014-cü ildə AFB bazasında olan məlumatlar əsasında “İlin Fotoqrafı-2014” qaliblərini ötən illərdəki qaydada təsdiqlədi.
Fotoqraflara qızıl, gümüş, bürünc “Arqus”, Hüseyn Hüseynzadə adına “Umid” mükafatı, Azərbaycan fotosənətinin yeni inkişaf tendensiyasını əks etdirən “İlin layihəsi”, maestrolar üçün “Fotoqrafiya sənətində xidmətlərinə görə” təqdim edildi. Tədbirdə “İlin fotoqrafı – 2014” mükafatından əlavə digər nominasiyalar üzrə də mükafatlar təqdim edildi. Gürcüstan Fotoqraflar
Assosiasiyası xüsusi mükafata layiq görüldü.
Azərbaycan Fotoqrafları Birliyi KİV əməkdaşlarını da mükafatlarla təltif etdi.
2014-ci ildə Fotoqrafiya sənətində qazandıqları uğurlara görə aşağıdakı mükafatlar və fəxri diplomlar təqdim edildi.

Azərbaycan Fotoqrafları Birliyinə verdiyi dəstəyə görə –
Xəzər universiteti
“Say Chesse”layihəsi çərçivəsində “Photo man-2013” və “Photo-school.eu” layihələrinə görə – Gürcüstan Fotoqraflar Assosiasiyası
İlin web saytı-1905 az portalı
İlin Jurnalisti – Şirməmməd Nəzərli
İlin Tv kanalı – Regional TV

Fotoqrafiya sənətində xidmətlərinə görə – Fətəli Fətəliyevə
Fotoqrafiya sənətində xidmətlərinə görə – Mehdi Abbasov
İlin Foto layihəsi – “Xocalı Harayı”
Hüseyn Hüseynzadə adına Ümid Mükafatı –
Məhəmməd İsmayılov
İlin Press Fotoqrafı – Rəsul Rəhimov
Bürünc Arqus – Araz Talıbov
Gümüş Arqus – Gülnar Səlimova
Qızıl Arqus – Əlizamin Cəfərov

İlin Fotoqrafı Mükafatı – Dilavər Nəcəfov

Azərbaycan Karikaturaçı Rəssamlar Birliyinin təsis etdiyi
mükafat Bəhram Bağırzadəyə ,
Art Faktor təşkilatının təsis etdiyi “ Bədii Fotoqrafiya” mükafat isə Fəxriyyə Məmmədovaya təqdim olundu.

azpress.az