1905.az saytı yeni dərs ilinin başlanması ərəfəsində “Məktəb zəngi” virtual foto qalereyasını təqdim edir! Qalereyadakı fotolar ümumilikdə 2 dövrü əhatə edir.
1) Müharibə dövrü.
2) Müharibədən sonrakı dövr.
Müharibə dövründə çəkilən fotolara diqqət yetirərkən Ermənistanın Azərbaycana qarşı silahlı təcavüzü nəticəsində təhsilimizə vurulan maddi və mənəvi ziyan aşkar görünür. Lakin sonrakı dövrdə, Azərbaycanın iqtisadi cəhətdən güclü ölkəyə çevrilməsi təhsildə də öz əksini tapdı. Prezident İlham Əliyevin 2004-cü il tarixli Sərəncamı ilə təsdiq edilmiş “Qaçqınların və məcburi köçkünlərin yaşayış şəraitinin yaxşılaşdırılması və məşğulluğunun artırılması üzrə Dövlət Proqramı” çərçivəsində köçkünlərin məskunlaşdıqları qəsəbələrdə yeni məktəb binaları tikilib istifadəyə verilmişdir.

“Məktəb zəngi” virtual foto qalereyasındakı fotolar Azərbaycan Fotoqraflar Birliyinin arxivindən və AzərTAc-ın fotoxronika şöbəsindən götürülmüşdür.