Dağlarında axdı sular xumar-xumar,

Gəzdi sözün, şan-şöhrətin diyar-diyar.

Çəmənlərin şəfəq əmdi  hər ilk bahar

Lalələrin yanağından Azərbaycan.

Ayna üzlü göy göllərin dərin-dərin,

Daşdan süzən bulaqların sərin-sərin,

Sən gülüsən, gülşənisən ölkələrin.

Qoy bir öpüm torpağından, Azərbaycan.

Ötüb keçir gur çayların çapa-çapa,

Xırman üstü dərz tayların topa-topa,

Həyatından min il keçə, min daş qopa

Ayrılmaram qucağından, Azərbaycan!