Vaşinqton Ukraynadakı münaqişənin həlli ilə bağlı Moskva ilə əlaqə saxlayır.

AZƏRTAC xəbər verir ki, bu barədə ABŞ Prezidenti Donald Tramp jurnalistlərə açıqlamasında bildirib.

“Müharibənin dayandırılması üçün əlimdən gələni edəcəyəm. Biz artıq müzakirələr aparırıq”, – deyə Tramp qeyd edib.

Amerika Prezidenti tərəflərin hansı səviyyədə təmasda olduğunu açıqlamayıb, müzakirələri “çox ciddi” adlandırıb.

Tramp bir daha Rusiya Prezidenti Vladimir Putinlə danışmağı gözlədiyini bildirib.

“Biz danışacağıq, vacib bir şey edə bilərik. Bu müharibəni bitirmək istəyirik”, – deyə o əlavə edib.