Qarabağın incisi, dağlar gözəli Şuşa may-iyun aylarında daha da cəlbedici olur. Xüsusən Cıdır düzündən açılan təbiət mənzərələri insanı valeh edir. Ətrafdakı sal qayaların, yaşıl örtüklü dağların, Günəşin qızıl şüalarına bürünmüş zümrüd meşələrin gözəlliyini, aşağıda Daşaltı dərəsindən axan Daşaltı çayının şırıltısı füsunkar təbiət harmoniyası yaradır. Ərazi başdan-başa çəmənlik və çöl çiçəkləri ilə bəzənib. Al-əlvan çiçəklərin yaratdığı tablolar insanın ruhunu oxşayır, qəlbə sakitlik gətirir.

AZƏRTAC-ın bölgə müxbiri Tahir Ağaməmmədovun Cıdır düzündə çəkdiyi görüntüləri təqdim edirik.