Noyabrın 2-də Vyana şəhərinin mərkəzində baş vermiş terror aktı ilə əlaqədar Azərbaycanın Avstriyadakı səfirliyi soydaşlarımıza müraciət edib.

AZƏRTAC xəbər verir ki, səfirliyin “Twitter“ mikrobloqunda yerləşdirilən məlumatda Vyanada yaşayan Azərbaycan vətəndaşlarına təhlükəsizliyin təminatı üçün evdə qalmaq və olduqları yeri tərk etməmək mütləq şəkildə tövsiyə olunub.

Qeyd edilib ki, Avstriya polisi tərəfindən verilən məlumatların izlənməsi və müvafiq təlimatlara riayət edilməsi vacibdir. Köməyə ehtiyacı olan şəxslərin səfirliyin müvafiq telefon nömrələrinə zəng etmələri tövsiyə olunub.

Elgün Niftəli

AZƏRTAC-ın xüsusi müxbiri

Vyana