ABŞ Dağlıq Qarabağ münaqişəsinin sülh yolu ilə həllini qəti şəkildə dəstəkləyir və bu məqsədə nail olmaq üçün səylərini davam etdirəcək.

 

AZƏRTAC xəbər verir ki, bu fikri ABŞ Dövlət katibi müavininin müşaviri xanım Bricet Brink fevralın 7-də Bakıda keçirdiyi mətbuat konfransında söyləyib.

 

 

Dövlət Departamentinin rəsmisi bildirib ki, münaqişənin 20 ildən artıq uzanması həqiqətən də uzun müddətdir. “ATƏT-in Minsk qrupunun həmsədrləri indi Bakıdadırlar. Biz Minsk qrupunun həmsədr ölkəsi olaraq bu münaqişənin sülh yolu ilə həllini qətiyyətlə dəstəkləyirik”, – deyə o qeyd edib.