Bünyad Sərdarovun xatirə muzeyi 1985-ci ilin yanvar ayında Füzuli rayonunun Qarğabazar kəndində istifadəyə verilmişdir.  Qədim karvanasarayda fəaliyyət göstərən muzeyin eksponat  fondunda inqilabçıya məxsus 500-dən çox müxtəlif səpgili qiymətli əşya sərgilənirdi. Bu eksponatlar içərisində inqilabşının Bakıda və Həştərxandakı fəaliyyətinə həsr olunmuş sənədlər, foto-şəkillər üstünlük təşkil edirdi. Muzeyin sərgi otağında Bünyad Sərdarovun oğlu Layihə İnstitunun direktoru olmuş Sərdar Sərdarov və onun nəvələri haqqında da materiallarda nümayiş olunurdu.

Muzeyin sahəsi 60 kv.m. olmaqla, üç otaqdan ibarət idi. Muzeyin bir xatirə otağı, iki sərgi otağı, bir foyesi və böyük həyətyanı sahəsi var idi. Bağda Bünyad Sərdarovun büstü də qoyulmuşdu. Hazırda erməni işğalı altından çıxarılmış  azsaylı eksponatlar Bakıdakı “İstiqlal” muzeyində qapalı şəraitdə mühafizə olunur.

Muzeyin 250-yə yaxın eksponatı işğal altından çıxarılsa da, ümumilikdə muzey və eksponatların 300-ə yaxın hissəsi Ermənistan Silahlı Qüvvələri tərəfindən məhv edilmişdir.

Hazırladı: Vüqar Tofiqli