Muxtar respublikanın könüllü gənclərinin iştirakı ilə növbəti təmizlik aksiyası Babək rayonu ərazisində yerləşən Güznüt gölü ətrafında keçirilib.

Naxçıvan Muxtar Respublikası Gənclər və İdman Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, Gənclər və İdman, Ekologiya və Təbii Sərvətlər nazirlikləri, Gənclər Fondu və YAP Naxçıvan Muxtar Respublika Təşkilatının Gənclər Birliyi tərəfindən birgə təşkil olunan aksiya “Gənclər ətraf mühitin çirklənməsinə yox deyir!” devizi altında reallaşıb.

İstanbulda “Anadoludan Azərbaycana bir nəfəs- 2022 Şuşa ili” adlı təntənəli konsert təşkil edilib.

AZƏRTAC xəbər verir ki, konsert “TRT” İstanbul Radiosu, Xəzər Folklor Təhsil və Araşdırma Mərkəzinin (Hazarfem dərnəyi) təşkilatçılığı, İstanbulun Bakırköy Bələdiyyəsinin dəstəyi ilə baş tutub.

İyunun 5-də Azərbaycan – Bolqarıstan diplomatik əlaqələrinin 30 illiyi münasibətilə Gənclərin İdman Festivalı keçirilib.

AZƏRTAC verir ki, Bakı İdman Sarayında təşkil edilən tədbirin açılış mərasimində gənclər və idman nazirinin müavini Mariana Vasileva, Bolqarıstanın Azərbaycandakı fövqəladə və səlahiyyətli səfiri Nikolay Yankov, Azərbaycan XİN Avropa İdarəsinin rəis müavini Ruslan Rzayev, Azərbaycan – Bolqarıstan parlamentlərarası əlaqələr üzrə işçi qrupunun rəhbəri Rauf Əliyev çıxış ediblər.

Bu günlərdə “Elm” nəşriyyatında AMEA Arxeologiya, Etnoqrafiya və Antropologiya İnstitutunun Elmi Şurasının qərarı ilə professor Hidayət Cəfərovun rus dilində “Курганы древних правителей Карабаха” (“Qarabağın qədim hökmdar kurqanları”) adlı kitabı çapdan çıxıb. Kitabda müəllif tərəfindən Qarabağ ərazisində 1982, 1985, 1986-ci illərdə tədqiq edilmiş möhtəşəm dəfn abidələri olan Borsunlu (e.ə XIV-XIII əsrlər), Sarıçoban (e.ə. XII-XI əsrlər), Bəyimsarov (e.ə X-IX əsrlər) kurqanlarında aparılan arxeoloji tədqiqatların nəticələri işıqlandırılır. Sinifli cəmiyyətin meydana çıxdığı dövrdə bir neçə tayfanı birləşdirən güclü, iri tayfa ittifaqları yaranmış və bunun nəticəsi kimi hakimiyyətin bütün qolları bir şəxsin əlində cəmlənmişdi. Bəzi mütləq hökmdarlar geniş ərazilərə nəzarət edir, hakimiyyətləri dövründə böyük etnik-mədəni birlikləri öz nəzarəti altında saxlaya bilmişdilər. 

Kitab arxeoloq, etnoqraf, tarixçi, digər elm adamları və tələbələr üçün nəzərdə tutulmuşdur.

https://arxeologiya.az/az/index.php?newsid=43