ABŞ-ın Havay ştatının Senatı erməni lobbisinin təhriki ilə gündəliyə gətirilən antiazərbaycan xarakterli iki qətnaməni rədd edib. Martın 10-da ştat Senatında irəli sürülmüş bu qətnamələr qəbul olunacağı təqdirdə, Azərbaycanın işğal edilmiş ərazilərində qurulmuş qondarma “Dağlıq Qarabağ respublikası” “müstəqil dövlət” kimi tanınacaq və onun “müstəqilliyinin güclənməsi” üçün ABŞ-ın Federal Hökumətinə və Konqresə çağırış ediləcəkdi.

“Rusiya Dağlıq Qarabağ münaqişəsinin həlli üçün ardıcıl işi davam etdirir, lakin son qərarı yalnız münaqişənin bilavasitə iştirakçıları qəbul edə bilər”. RF prezidentinin mətbuat katibi Dmitri Peskov bu fikri jurnalistlərə söyləyib.

Müdafiə naziri, general-polkovnik Zakir Həsənov və nazirliyin rəhbər heyəti cəbhəboyu zonada yerləşən birlik, birləşmə və hərbi hissələrdə olub.

Müdafiə Nazirliyinin mətbuat xidmətindən AZƏRTAC-a bildiriblər ki, ön xətdə yerləşən hərbi hissələrdə düşmənlə üz-üzə səngərlərdə döyüş növbəsi çəkən şəxsi heyətlə görüşən nazir onların döyüş hazırlığı və sosial-məişət şəraiti ilə tanış olub.

“Bu qədər lideri bir araya toplamaq multikulturalizm və insanların bir-birini anlaması sahəsində böyük addımdır”.

APA-nın məlumatına görə, bunu İsrailin keçmiş baş naziri Ehud Barak jurnalistlərə deyib ki, Azərbaycan hər il irəliyə doğru daha böyük addımlar atır: “Tədbir iştirakçıları ölkənizdəki inkişafı yüksək qiymətləndirirlər. Azərbaycan tam tolerant ölkədir. Həmçinin, biri istisna olmaqla, qonşuları ilə balanslı münasibət saxlayır. Bu, bir daha onu göstərir ki, bütün qonşu ölkələrin sülh və əməkdaşlıq münasibətlərində olması üçün böyük  səylər göstərilməlidir”.

E. Barak Dağlıq Qarabağ münaqişəsi ilə bağlı da danışıb: “Mən ədalətli və vicdanlı həlli dəstəkləyirəm”.

Ermənistan-Azərbaycan, Dağlıq Qarabağ münaqişənin həlli prosesinin mahiyyəti və məzmunu Ermənistanın xarici işlər naziri tərəfindən yenə də qeyri-ciddi şəkildə təhrif edilib. Elə təəssürat yarınır ki, sanki Edvard Nalbandyanın ümumiyyətlə danışıqlar prosesində nədən söhbət getdiyindən xəbəri yoxdur.

Müdafiə Nazirliyi bildirir ki, erməni silahlı bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini ümumilikdə 124 dəfə pozub.
Ermənistan Respublikası İcevan rayonunun Berkaber, Noyemberyan rayonunun Voskepar, Voskevan kəndlərində yerləşən mövqelərdən Qazax rayonunun Qızılhacılı, Məzəm, Quşçu Ayrım kəndlərində, Berd rayonunun Ayqepar, Mosesqex kəndlərində yerləşən mövqelərdən Tovuz rayonunun Əlibəyli, Ağdam kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən mövqelərimiz atəşə tutulub.