1905.az portalı və Azərbaycan Fotoqrafları Birliyi Qarabağ müharibəsində döyüşən qadınların fotolarını təqdim edir. Fotoqraflar: Xalid Əsgərov, Əli Qafarov, Mehdi Abbasov, Şahvələd Ayvazov

Fotoqraf: Əli Qafarov

1943-cü ildə Bakıda doğulub. Azərbaycan müəllimi, Ədəbiyyat və İncəsənət, Azərbaycan idmançısı kimi sırf mülkü qəzetlərdə fotomüxbir işləyib. Müstəqilliyin ilk illərində “Xalq ordusu” qəzetinin kollektivi sıralarına daxil olub. Sonralar qəzetin adı dəyişilərək “Azərbaycan Ordusu” oldu. Əli Qafarov həm də Hərbi-dəniz qüvvələrinin qəzeti və Azərbaycan Respublikası Müdafiə Nazirliyinin sənədli filmlər kino-telestudiyasında işləyib.

2018-ci ildə dünyasını dəyişib.

Fotoqrafın dediyinə görə cəbhə şəkillərini çeşidləmək ağırdır. Çünki rastlaşdığı adamlardan çoxu həlak olub, onlar yalnız plyonkalarda qalıblar. Ən böyük arzusu müharibənin son anını, həmvətənlərinin doğma ocaqlarına, sülh həyatına, yaradıcı əməyə qayıdışını əks etdirmək idi.

Fotoqraf Fərid Xayrulin Bakı şəhərində anadan olub. 1969-cu ildə Ulyanov-Lenin adına Qazan Dövlət Universitetinin jurnalistika fakültəsinə daxil olub. Sonra S.M.Kirov adına Azərbaycan Dövlət Universitetinə keçib, “Jurnalistika” peşəsi üzrə diplom alıb.1982-ci ildən SSRİ Jurnalistlər İttifaqının üzvüdür. 1989-cu ildən SSRİ Fotorəssamlar İttifaqının İdarə Heyətinin üzvüdür.

Elmar Mustafazadə 1980-ci il oktyabrın 25-də Bakıda anadan olub. 2001-ci ildə Azərbaycan Dövlət Neft Akademiyasının beynəlxalq iqtisadi münasibətlər fakültəsini bitirib.  Fotoqraflığa 2009-cu ildən başlayıb. 2010-cu ildən etibarən Azərbaycan Fotoqraflar Birliyinin üzvüdür.