Elnur Babayev 1962-ci ildə Bakıda anadan olub. 1981-ci ildə Əzim Əzimzadə adına Bakı Rəssamlıq Məktəbini bitirib. 1988-ci ildən etibarən xarici jurnallar üçün fotolar çəkib. Azərbaycan Rəssamlar İttifaqının və Azərbaycan Fotoqraflar Birliyinin üzvüdür. 1995-ci ildə UNİCEF-in, o cümlədən World Press Photo və Mother Jones foto müsabiqələrinin qalibi olub. ABŞ-da, Fransada, Böyük Britaniyada, Almaniyada, Avstriyada, Tunisdə, Finlandiyada, Rusiyada keçirilən fərdi və qrup sərgilərində fotoları nümayiş olunub. Elnur Babayevin çəkdiyi fotoların bir qismi dövlət muzeylərində, şəxsi kolleksiyalarda o cümlədən Vyanadakı “Niederosterreich Landers Museum”da, Parisdəki Fransanın Mədəniyyət Nazirliyinin qalereyasında, Moskvadakı Muasir İncəsənət Muzeyində saxlanılır.

Fotoqraf: Anna Süleymanova

1981-ci ildə Bakıda anadan olub. Azərbaycan Dövlət İqtisad Universitetini bitirib. 2002-ci ildən Azərbaycan Fotoqraflar Birliyinin üzvüdür.  Çoxsaylı sərgi, seminar, konfrans və festivallarda iştirak edib. 2010-cu ildə, “National Geographic” jurnalı foto-şəkil bölməsinin sabiq direktoru Kent Kobersteenin rəhbərlik etdiyi seminarda birinci yeri tutub. Həmçinin, 2010-cu ildə “İlin fotoqrafı” mərasimində “Gümüş Arqus”, 2011-ci ildə isə “İlin kuratoru” nominasiyasında qalib gəlib.

Azərbaycan Dövlət Neft Akademiyasının köhnə yataqxanasına Ermənistanın Azərbaycana təcavüzündən sonra ermənilər tərəfindən işğal olunmuş müxtəlif ərazilərdən məcburi köçkünlər yerləşdirilmişdi. Fotolarda həmin insanların bir qisminin həyatı göstərilir. Bakı, Azərbaycan, 2011