Avqustun 17-də Azərbaycanın qadın güləşçisi Mariya Stadnik Rio-de-Janeyroda təşkil olunan XXXI Yay Olimpiya Oyunlarında mübarizəyə qoşulub.

AZƏRTAC xəbər verir ki, 48 kiloqram çəki dərəcəsində mübarizə aparan idmançımız səkkizdəbir finalda argentinalı Patrisia Alexandra Bermudez ilə qarşılaşıb. Rəqibini təmiz qələbə ilə məğlub edən güləşçimiz dörddəbir finala adlayıb. Ardınca Polşa təmsilçisi İvona Matkovskaya qalib gələn güləşçimiz yarımfinala yüksəlib. Mariya Stadnik bu mərhələdə bolqarıstanlı Elitsa Yankova üzərində təmiz qələbə qazanaraq XXXI Yay Olimpiya Oyunlarının finalına yüksəlib.

Siyasi elmlər üzrə fəlsəfə doktoru, əməkdar jurnalist Fuad Babayevin “Banqladeşin yaşıdı” adlı kitabı işıq görüb. Kitabda müəllifin 2013-2016-cı illərdə Azərbaycanda Vətəndaş Cəmiyyətinin İnkişafına Yardım Assosiasiyasının www.avciya.az və www.1905.az saytlarında dərc edilmiş publisistik yazılarının bir qismi toplanıb.

Yazıçı, tarix üzrə fəlsəfə doktoru, əməkdar jurnalist Natiq Məmmədlinin ön söz yazdığı kitab Böyük Jurnalist Tofiq Rüstəmovun işıqlı xatirəsinə ithaf olunub.

Rio-de-Janeyroda keçirilən XXXI Yay Olimpiya Oyunlarının cüdo yarışlarında iştirak edən Azərbaycan idmançıları avqustun 14-də Vətənə qayıdıblar.

AZƏRTAC xəbər verir ki, mötəbər yarışın üçüncü günündə Rüstəm Orucov (73 kq), altıncı günündə isə Elmar Qasımov (100 kq) ölkəmizə gümüş medal qazandırıb.

Bu günlərdə Bakı Slavyan Universitetinin binasının fasadını 1972-ci ildən bəri bəzəyən mozaika-portretlərin sökülməsinin şahidi olduq. Bu hadisəylə bağlı tanınmış mozaika ustası, bir sıra əsərlərin o cümlədən, Ağdam Çörək Muzeyinin fasadındakı mozaikanın müəllifi rəssam Əmirxan Məmmədvəliyevin fikirlərini öyrəndik:

“Sözügedən mozaikanın müəllifi rəhmətlik Elmas Hüseynov idi. Belə bir söküntü işi eləməzdən əvvəl ən adi etik normalar tələb edir ki, müəlliflə məsləhətləşəsən. Bu halda, yəni müəllif dünyasını dəyişdiyindən peşəkarlara üz tutmaq lazım idi. Müəllif özü həyatda deyilsə, işi də ölməməlidir.”

Ə.Məmmədvəliyev onu da qeyd etdi ki, hər bir  mozaika əsərində olduğu kimi bu əsərin də eskiz layihəsi  olub. Həmin eskiz layihəsinə və ya fotoya baxaraq onu bərpa etmək mümkündür.

Bu hadisədən təsirləndiyini gizlətməyən rəssam Azərbaycanda mozaika məktəbinin hələ də mövcud olduğunu xatırlatdı.

1905.az

Avqustun 8-də Bakıda, Heydər Əliyev Mərkəzində Azərbaycan Respublikasının Prezidenti İlham Əliyevin, İran İslam Respublikasının Prezidenti Həsən Ruhaninin və Rusiya Federasiyasının Prezidenti Vladimir Putinin üçtərəfli Zirvə görüşü keçirilib.

Avqustun 8-də Azərbaycan Respublikasının Prezidenti İlham Əliyevin və Rusiya Federasiyasının Prezidenti Vladimir Putinin görüşü olub.

Dövlət başçıları görüşdə çıxış ediblər.

http://azertag.az/xeber/Azerbaycan_Prezidenti_Ilham_Aliyevin_ve_Rusiya_Prezidenti_Vladimir_Putinin_gorusu_olub-980860