2020-ci il sentyabrın 27-də başlayan və 44 gün davam edən Vətən müharibəsi dövründə erməni hərbçiləri beynəlxalq hüququn norma və prinsiplərini, 1949-cu il tarixli Cenevrə Konvensiyalarını və onların Əlavə protokollarını, BMT-nin Təhlükəsizlik Şurasının qərar və qətnamələrini kobud şəkildə pozaraq mülki əhalinin sıx yaşadığı məntəqələrə zərbələr endirib.
AZƏRTAC-ın bölgə müxbiri xəbər verir ki, Vətən müharibəsində Bərdə rayonu da Ermənistan silahlı qüvvələrinin raket və artilleriya atəşinə məruz qalıb. 2020-ci il oktyabrın 27-də Bərdə rayonunun Qarayusifli kəndi Ermənistan silahlı qüvvələri tərəfindən raket atəşinə tutulub. Beynəlxalq hüquqla qadağan olunmuş kaset bombalardan istifadə edilməklə endirilən zərbələr nəticəsində aralarında uşaq və qadınlar da olmaqla, 5 dinc sakin həyatını itirib, 14 mülki şəxs yaralanıb.
Ümumilikdə isə 2020-ci il oktyabrın 5-i, 8-i, 27-si və 28-də, həmçinin noyabrın 7-də Bərdə rayonunda törədilən terror aktları nəticəsində 28 nəfər həlak olub, 108 nəfər yaralanıb. Evlərə, mülki infrastruktur obyektlərinə və nəqliyyat vasitələrinə külli miqdarda ziyan dəyib.
![](https://1905.az/wp-content/uploads/2023/10/Berde_Qarayusifli-1-1024x494.jpg)
![](https://1905.az/wp-content/uploads/2023/10/Berde_Qarayusifli-2-1024x490.jpg)
![](https://1905.az/wp-content/uploads/2023/10/Berde_Qarayusifli-3-1024x609.jpg)
![](https://1905.az/wp-content/uploads/2023/10/Berde_Qarayusifli-4-1024x498.jpg)
![](https://1905.az/wp-content/uploads/2023/10/Berde_Qarayusifli-5.jpg)
![](https://1905.az/wp-content/uploads/2023/10/Berde_Qarayusifli-6-1024x605.jpg)
![](https://1905.az/wp-content/uploads/2023/10/Berde_Qarayusifli-7.jpg)
![](https://1905.az/wp-content/uploads/2023/10/Berde_Qarayusifli-8-1024x600.jpg)
![](https://1905.az/wp-content/uploads/2023/10/Berde_Qarayusifli-9.jpg)
![](https://1905.az/wp-content/uploads/2023/10/Berde_Qarayusifli-10-1024x600.jpg)
![](https://1905.az/wp-content/uploads/2023/10/Berde_Qarayusifli-11-1024x593.jpg)
![](https://1905.az/wp-content/uploads/2023/10/Berde_Qarayusifli-12.jpg)
![](https://1905.az/wp-content/uploads/2023/10/Berde_Qarayusifli-13.jpg)