Füzulidə inşa olunan aeroportun tikinti işlərinin gələn ilin aprel-may aylarında yekunlaşdırılması nəzərdə tutulur.

AZƏRTAC xəbər verir ki, bu barədə aeroportun tikintisinin baş podratçısı “Azvirt” şirkətinin baş mühəndisi Cəfərağa Şiriyev deyib.

O bildirib ki, hazırda ərazidə minalardan təmizlənmə işləri getdiyi üçün, tikinti prosesinin sürəti aşağıdır.

“Bu ilin yaz aylarından tikinti prosesi sürətləndiriləcək və 24 saatlıq qrafikə keçiləcək. Həmçinin uzunluğu 3000 metr olan uçuş-enmə zolağının tikinti işlərinin də cari ildə başa çatdırılması nəzərdə tutulur”, – deyə C.Şiriyev qeyd edib.