Azərbaycanın İsveç Krallığında və eyni zamanda, Finlandiya Respublikasında səfirliyi Helsinki şəhərində yaşayan soydaşlarımız üçün səyyar konsulluq xidməti həyata keçirib.

AZƏRTAC-ın xüsusi müxbiri xəbər verir ki, səfirliyin əməkdaşları Finlandiyanın paytaxtında yeni fəaliyyətə başlamış Azərbaycan evində həmvətənlərimizlə görüşərək, onları maraqlandıran konsulluq məsələləri ilə bağlı çoxsaylı suallara cavab verməklə yanaşı, mövcud problemlərlə maraqlanıblar.

Görüşün sonunda soydaşlarımıza konsulluq xidmətləri həyata keçirməklə yanaşı, onlara lazımi sənədlər təqdim edilib.

Rauf Əliyev

AZƏRTAC-ın xüsusi müxbiri

Stokholm