Yaz mövsümündə muxtar respublika ərazisində, xüsusilə kənd təsərrüfatı əkinləri üçün yararsız olan ərazilərdə yaşıllaşdırma tədbirləri aparılır. Naxçıvanda qədim meyvəçilik sahələrindən olan badamçılıq Kəngərli rayonunda da diqqətdə saxlanılır.

AZƏRTAC-ın Naxçıvan bürosu xəbər verir ki, bu işlərin davamı olaraq rayonun Böyükdüz kəndi ərazisində şoranlaşmaya meyilli 1,8 hektar ərazidə 1100 badam tingi əkilib. Tinglərə aqrotexniki qulluq göstərilib, lazımi becərmə və suvarma tədbirləri görülüb.

Qeyd edək ki, bu il rayonda 2,3 hektar sahədə yeni badam tingi əkilib, ümümilikdə isə 40 hektara yaxın sahədə badam bağı salınıb.

Azərtac