Laçın şəhərindəki “Xocazfilm” kinoteatrında Qara Qarayev adına Azərbaycan Dövlət Kamera Orkestri zərif tərtib olunmuş konsert proqramı ilə çıxış edərək qonaqlara klassik və xalq musiqisindən ibarət unudulmaz bir bayram yaşadıb.

AZƏRTAC xəbər verir ki, “MDB-nin Mədəniyyət Paytaxtı – 2025” ilinin bağlanış mərasimi çərçivəsində keçirilən gecədə Üzeyir Hacıbəyli, Qara Qarayev və Arif Məlikovun əsərləri səsləndirilib. “Arazbarı”, “Arşın mal alan” operettasından, “Yeddi gözəl” baletindən melodiyalar, “Qızların rəqsi” və digər musiqi nömrələri qonaqlarda dərin və unudulmaz təəssüratlar yaradıb.